జర నవ్వండి ప్లీజ్ 28

మహా సోమరి
ఒకడు మిత్రుడు కేరమ్స్‌ ఆడుతున్న చోటుకి వచ్చి అందర్నీ చూసి ‘మీలో ఎవరు సోమరిపోతో అతనికి ఐదు వందల నోటు యిద్దామనుకుంటున్నా’ అన్నాడు.
వాళ్లలో ఒకడు ‘సరే! వచ్చి నా బ్యాక్‌ పాకెట్లో పెట్టు’ అన్నాడు.
************
డబ్బున్న డాక్టర్‌
మోహన్రావు: మా అమ్మాయి రూపాయి బిళ్ల మింగింది. డాక్టర్‌ని కలిస్తే ఆపరేషన్‌ చేసి తియ్యాలన్నాడు. డాక్టర్‌ వెంకట్రావ్‌ పట్ల నాకు నమ్మకం కలగడం లేదు.
మహేష్‌: అదేం కాదోయ్‌! నువ్వు మరీ అంతగా వర్రీ కావాల్సిన పన్లేదు. ఆ డాక్టర్‌ బాగా డబ్బున్న వాడు. మరీ రూపాయి కోసం కక్కుర్తి పడతాడని అనుకోను.
************
గాడిద తెలివి
ఒకతన్ని ఓ గాడిద కాలితో తన్ని పరిగెత్తింది. అతను దాని వెంటపడ్డాడు. కనిపించకుండా పోయింది.
సందుల్లో వెతుకుతూ ఉంటే ఒక జీబ్రా కనిపించింది. అతను దాన్ని బాదుతూ ‘నువ్వు కోటు వేసుకున్నంత మాత్రాన గుర్తుపట్టలేనను కున్నావా?’ అన్నాడు.
************
ముద్దుకొక చీర
బట్టల కొట్టుకు వెళ్లిన అందమైన అమ్మాయి ‘చీర ఎంత? అని అడిగింది.
అల్లరి వాడయిన సేల్స్‌బాయ్‌ ‘ముద్దుకొకటి’ అన్నాడు.
ఆ అమ్మాయి ‘పది చీరలివ్వు’ అంది
ఆ అబ్బాయి ఆశ్చర్యపోయి పది చీరలు ప్యాక్‌ చేశాడు. ఉత్సాహంగా ఆ అమ్మాయి వైపు చూశాడు
ఆ అమ్మాయి ప్యాకెట్‌ తీసుకుని వెనక్కి చూపిస్తూ… ‘బిల్లు మా తాత చెల్లిస్తాడు’ అంది.