రైతుని కాబోయి...న‌టుడిన‌య్యా!

ప‌వ‌న్ క‌ల్యాణ్ ఒక ఇంట‌ర్వ్యూలో అనేక ఆస‌క్తిక‌ర‌మైన స‌మాధానాలతో త‌న మ‌నోభావాలు వెల్ల‌డించారు. ఇంకా వీడియో విడుద‌ల కానీ ఆ ఇంట‌ర్వ్యూలో ప‌వ‌న్ చేసిన కొన్ని వ్యాఖ్య‌లివి-

• నేను రైతుని కాబోయి అనుకోకుండా న‌టుడిని అయ్యాను.
• సినిమాల్లో ఎన్నో గొప్పమాట‌లు చెబుతుంటాం….వాటిని నిజ‌జీవితంలో పాటించ‌లేక‌పోవ‌డం బాధ‌ని క‌లిగిస్తుంది.
• వాస్త‌వ జీవితంలో కూడా నా గొంతుని వినిపించాల‌నే రాజ‌కీయాల్లోకి వ‌చ్చాను.
• సినిమాలే జీవితం కాదు, జీవితం సినిమా క‌న్నా పెద్ద‌ది.
• వ్య‌క్తీక‌ర‌ణ అనేది నాకు చాలా ముఖ్యం. అన్నింటికంటే ముఖ్య‌మైన‌ది. న‌న్ను నేను నిజాయితీగా ఉంచుకోవాల‌నుకుంటున్నాను.
• నిజ‌జీవితంలో మ‌నంద‌రిలోనూ కొన్ని లోపాలు ఉంటాయి. కానీ నేను చెడ్డ‌వాడిగా న‌టించ‌లేను. నేను అంత‌మంచి న‌టుడిని అనుకోవ‌డం లేదు.
• భార‌తీయ సినిమా తీయ‌డం చాలా క‌ష్టం. అన్నీ స‌మ‌పాళ్ల‌లో ఉండాల‌నుకుంటాం. ఇది చాలా క‌ష్టం.
• షూటింగ్‌లు లేక‌పోతే నేను గ‌డ్డం పెరిగిపోయేలా విప‌రీతంగా చ‌దువుతాను.
• ఇప్ప‌టినుండి సినిమాల మీద మ‌రింత‌గా ఫోక‌స్ పెడ‌తాను. నా జీవితానికి ఒక స్థిర‌త్వం కావాలంటే సినిమాలు చేయాలి. కొన్ని సంవ‌త్స‌రాల త‌రువాత సినిమాలు వ‌దిలేస్తాను.
• ఒక‌సారి రాజ‌కీయాల్లోకి పూర్తి స్థాయిలో వ‌స్తే సినిమాలు వ‌దిలేస్తా. నేను నా అంత‌రాత్మ‌ని విన‌డం మాన‌లేను.
• న‌ట‌న వ‌దిలేసినా రాస్తుంటాను. రాయ‌డం నాకు చాలా ఇష్ట‌మైన విషయం.
• ప‌నిచేసి అక్క‌డి నుండి నిష్క్ర‌మించ‌డం అనేది నా ప‌ద్ధ‌తి. అంత‌కుమించి వేరే విష‌యాల‌ను గురించి నేను ఆలోచించ‌ను.

Click on Image to Read: