సర్దార్ హిందీ పాటలు వచ్చేశాయి

తెలుగులో ఇప్పటికే సాంగ్స్ తో దుమ్ముదులుపుతున్న సర్దార్ గబ్బర్ సింగ్ ఇప్పుడు హిందీలోకి కూడా ఎంటరయ్యాడు. అవును… సర్దార్ గబ్బర్ సింగ్ హిందీ పాటలు కూడా మార్కెట్లోకి వచ్చేశాయి. ఎరోస్ అధికారిక పోర్టల్ లో కూడా ఈ పాటల్ని వినొచ్చు. పాటల విడుదల సందర్భంగా మ్యూజిక్ డైరక్టర్ దేవిశ్రీప్రసాద్ కొన్ని ఫొటోల్ని కూడా ట్విట్టర్ లో పెట్టాడు. హిందీ వెర్షన్ పాడిన గాయనీగాయకులు ఆ ఫొటోల్లో ఉన్నారు. బెన్నీ దయాల్, శ్రియా ఘోషల్, శ్వేతా పండిట్, విజయ్ ప్రకాష్… సర్దార్ హిందీ పాటల్ని ఆలపించారు. వీళ్లతో పాటు మ్యూజిక్ డైరక్టర్ దేవిశ్రీ ప్రసాద్ కూడా గొంతు కలపడం విశేషం. మరో 4 రోజుల్లో… బాలీవుడ్ లో ప్రమోషన్ కూడా స్టార్ట్ చేయబోతున్నారు. హిందీ ప్రేక్షకుల్ని ఆకర్షించేలా… కాస్త విలక్షణంగా ప్రచారం కల్పించాలని యూనిట్ భావిస్తోంది. ఏప్రిల్ 8న సర్దార్ గబ్బర్ సింగ్ సినిమా… హిందీలో 8వందల థియేటర్లలో విడుదలకాబోతోంది.