ఒకే ఇంట్లో ఉంటున్నాం...రేప్ చేశాడు!

పెళ్లి చేసుకుంటాన‌ని న‌మ్మించి అత్యాచారం చేసిన చిరాగ్ గుప్తా (31) అనే వ్యాపార‌వేత్త‌పై ఓ ముంబయి మోడల్ (25) పోలీసుల‌కు ఫిర్యాదు చేసింది. ఆమె ఇటీవ‌ల ఒక పాపుల‌ర్ మ్యూజిక్ వీడియోలో సైతం న‌టించింది. ఢిల్లీకి చెందిన ఆ మోడ‌ల్ మ్యాట్రిమోనియ‌ల్ వెబ్‌సైట్ ద్వారా చిరాగ్ గుప్తాని క‌లిసింది. ఇద్ద‌రూ క‌లిసి గుర్‌గావ్‌లో ఒకే ఇంట్లో ఉంటున్నారు కూడా. ఆ మోడ‌ల్ ఈ విష‌యాల‌ను త‌న ఫిర్యాదులో పేర్కొంది. అయితే కేసు న‌మోదు చేసిన పోలీసులు చిరాగ్ గుప్తా గురించి విచారించ‌గా, అత‌నికి ఇంత‌కుముందే పెళ్ల‌యింద‌ని తేలింది. అంతేకాదు, 2006లో పెళ్లి చేసుకుంటాన‌ని న‌మ్మించి ఒక యువ‌తిపై అత్యాచారం చేశాడ‌ని, అరెస్టుకూడా అయ్యాడ‌ని పోలీసులు కనుగొన్నారు.