బ‌హుమ‌తి తేక‌పోతే... ప్రియుడిని చంపేస్తుంది!
ఆడామ‌గా బహుమతులు ఇచ్చిపుచ్చుకునే సంప్ర‌దాయం మ‌నుషుల్లోనే కాదు, చివ‌రికి సాలె‌పురుగుల్లోనూ ఉంటుంద‌ని ప‌రిశోధ‌కులు క‌నుగొన్నారు. మ‌గ‌సాలీడు, ఆడ సాలీడు కోసం తినేందుకు ఏదైనా పురుగులాంటి ఆహారాన్ని తీసుకువెళ్ల‌క‌పోతే, అది మ‌గ‌సాలీడుని చంపుకుతినేయ‌టం ఈ ప‌రిశోధ‌కులు గ‌మ‌నించారు. అంతేకాదు, మ‌గ‌సాలీడు తాను తీసుకువెళ్లే బ‌హుమ‌తి పురుగుల‌ను ఏదైనా సిల్క్‌లాంటి పేప‌రులో చుట్టుకుని అందంగా త‌యారుచేసుకుని తీసుకువెళుతున్నాయ‌ని కూడా వీరు చెబుతున్నారు. అత్యంత ఆశ్చ‌ర్య‌క‌రంగా ఉన్న ఈ వివ‌రాల‌ను ఓ అమెరికా సైన్స్ ప‌త్రిక‌లో ప్ర‌చురించారు. ఆడా, మ‌గా సాలీడులు […]
ఆడామ‌గా బహుమతులు ఇచ్చిపుచ్చుకునే సంప్ర‌దాయం మ‌నుషుల్లోనే కాదు, చివ‌రికి సాలె‌పురుగుల్లోనూ ఉంటుంద‌ని ప‌రిశోధ‌కులు క‌నుగొన్నారు. మ‌గ‌సాలీడు, ఆడ సాలీడు కోసం తినేందుకు ఏదైనా పురుగులాంటి ఆహారాన్ని తీసుకువెళ్ల‌క‌పోతే, అది మ‌గ‌సాలీడుని చంపుకుతినేయ‌టం ఈ ప‌రిశోధ‌కులు గ‌మ‌నించారు. అంతేకాదు, మ‌గ‌సాలీడు తాను తీసుకువెళ్లే బ‌హుమ‌తి పురుగుల‌ను ఏదైనా సిల్క్‌లాంటి పేప‌రులో చుట్టుకుని అందంగా త‌యారుచేసుకుని తీసుకువెళుతున్నాయ‌ని కూడా వీరు చెబుతున్నారు. అత్యంత ఆశ్చ‌ర్య‌క‌రంగా ఉన్న ఈ వివ‌రాల‌ను ఓ అమెరికా సైన్స్ ప‌త్రిక‌లో ప్ర‌చురించారు.
ఆడా, మ‌గా సాలీడులు సంప‌ర్కం చెందే స‌మ‌యంలో త‌ప్ప‌నిస‌రిగా ఈ సంప్ర‌దాయాన్ని పాటిస్తున్నాయ‌ట. బహుమతులు లేకుండా వెళ్లే మ‌గ‌సాలె పురుగులు ఆడ‌వాటికి ఆహారంగా మారే అవ‌కాశాలు ఆరురెట్లు ఎక్కువ‌గా ఉన్నాయ‌ని వీరు చెబుతున్నారు. అయితే ఇది ఆ స‌మ‌యంలో ఆడ సాలీడు ఎంత ఆక‌లిగా ఉంది అనేదాన్ని బ‌ట్టి ఉంటుంద‌ట. అది బాగా ఆక‌లిగా ఉన్న‌పుడు మ‌గ‌సాలీడు ఎలాంటి ఆహారం తీసుకోకుండా దాని ద‌గ్గ‌ర‌కు వెళితే మాత్రం, అమాంతం తినేస్తుంద‌ట. ప‌రిశోధ‌కులు నిర్వ‌హించిన అధ్య‌య‌నంలో అలా 15 మ‌గ సాలీడుల‌ను ఆడ‌వి తినేయ‌టం గ‌మ‌నించారు. బ‌హుమ‌తితో వెళ్లిన ఒక్క‌సాలీడుని మాత్రం త‌న‌తో క‌లిసిన త‌రువాత, ఆడ‌సాలీడు చంపి తినేయ‌టం చూశారు. గిఫ్ట్ ఇచ్చిన మ‌గ సాలీడునుండే ఎక్కువ స్పెర్మ్ ని పొంది వాటిని దాచుకుని వాటి ద్వారానే ఆడ‌వి సంతానాన్ని పొందుతాయ‌ని కూడా శాస్త్ర‌వేత్త‌లు గుర్తించారు.
బ‌హుమ‌తి తెచ్చిన మ‌గ సాలీడులోని ఆహారం తెచ్చే స‌మ‌ర్ధ‌త‌ని ఆడ సాలీడులు గుర్తిస్తాయ‌ని, ఆ ల‌క్ష‌ణాలు త‌మ సంతానానికి వ‌స్తాయ‌నే… ఈ పంథాలో వెళ‌తాయ‌ని ప‌రిశోధ‌కులు అంటున్నారు. అయితే కొన్ని మ‌గ‌సాలీడులు తిన‌డానికి వీలుకాని మొక్క‌ల గింజ‌లు లేదా అప్ప‌టికే తినేసిన కీట‌కం తాలూకూ అవ‌శేషాల‌ను తీసుకువెళ్లి ఆడ సాలీడుల‌ను మోసం చేస్తాయ‌ట. అయితే అవి న‌కిలీవ‌ని గుర్తించ‌గానే ఆడ సాలీడులు క‌లిసే ప్ర‌క్రియని త్వ‌ర‌గా ముగిస్తాయ‌ట. ఆడ సాలీడు ఇలా చేయ‌గానే…అది త‌న‌ను తినేస్తుంద‌నే భ‌యంతో మ‌గ‌సాలీడు చ‌నిపోయిన‌ట్టుగా న‌టిస్తుంద‌ట. అయితే ఒక్కోసారి ఆడ సాలీడులు అలా న‌టించినా స‌రే మ‌గ‌వాటిని తినేస్తాయి. ఎంత మంచి బ‌హుమ‌తిని ఇస్తే అంత ఎక్కువ స‌మ‌యం క‌లిసే ప్ర‌క్రియ కొన‌సాగుతుంద‌ని, అయితే మ‌గ‌సాలీడులు న‌కిలీ బహుమతులు ఇస్తే మాత్రం ఆడ‌వి వెంట‌నే గుర్తిస్తాయ‌ని ఈ ప‌రిశోధ‌కులు చెబుతున్నారు. అంత చిన్న జీవిలో కూడా మ‌నుషుల్లో క‌నిపించే సంప్రదాయాలు, నాట‌కాలు, మోసాలు ఇవ‌న్నీ ఉండ‌టం నిజంగా చాలా విచిత్ర‌మే మ‌రి.
