వాహనదారులకు కఠిన నియమాలు...భద్రతకు భరోసా!
ముందువెనుకా చూడకుండా అత్యంత వేగంగా వాహనాలను నడపటం, రోడ్లమీద పోటీలు పెట్టుకుని స్పీడ్గా వెళ్లటం, ఓవర్టేకులు చేయటం కోసం డ్రైవింగ్ నియమాలు తుంగలో తొక్కటం, ట్రాఫిక్ సిగ్నల్స్ని జంప్ చేయటం, తాగి డ్రైవింగ్ చేయటం, డ్రైవింగ్ చేస్తూ సెల్ఫోన్ మాట్లాడటం, హెల్మెట్ లేకుండా టూవీలర్స్ని నడపటం….ఇవన్నీ ఇకపై తీవ్రమైన ఇబ్బందులను తెచ్చిపెట్టనున్నాయి. అక్కడికక్కడే డ్రైవింగ్ లైసెన్సుని రద్దుచేసే అవకాశం ఉంది. రాష్ట్రాల రవాణా శాఖా మంత్రుల బృందం ఈ మేరకు మోటారు వాహనాల చట్టంలో ఒక నూతన సవరణను ప్రవేశపెట్టేందుకు […]
ముందువెనుకా చూడకుండా అత్యంత వేగంగా వాహనాలను నడపటం, రోడ్లమీద పోటీలు పెట్టుకుని స్పీడ్గా వెళ్లటం, ఓవర్టేకులు చేయటం కోసం డ్రైవింగ్ నియమాలు తుంగలో తొక్కటం, ట్రాఫిక్ సిగ్నల్స్ని జంప్ చేయటం, తాగి డ్రైవింగ్ చేయటం, డ్రైవింగ్ చేస్తూ సెల్ఫోన్ మాట్లాడటం, హెల్మెట్ లేకుండా టూవీలర్స్ని నడపటం….ఇవన్నీ ఇకపై తీవ్రమైన ఇబ్బందులను తెచ్చిపెట్టనున్నాయి. అక్కడికక్కడే డ్రైవింగ్ లైసెన్సుని రద్దుచేసే అవకాశం ఉంది. రాష్ట్రాల రవాణా శాఖా మంత్రుల బృందం ఈ మేరకు మోటారు వాహనాల చట్టంలో ఒక నూతన సవరణను ప్రవేశపెట్టేందుకు నిర్ణయం తీసుకుంది. ఢిల్లీలో గత ఆరునెలల కాలంలో ఇలాంటి నేరాలకు పాల్పడిన వారికి చెందిన మూడు లక్షల లైసెన్సులను రద్దు చేశారు.
స్పీడు డ్రైవింగ్ ప్రమాదం… అనే హెచ్చరిక లేకుండా అలాంటి చిత్రీకరణ ఉన్న ప్రకటనలు, సినిమాలు, టివి సీరియల్స్పై కూడా చర్యలు తీసుకోవాలని ఈ బృందం నిర్ణయం తీసుకుంది. అత్యంత వేగంగా డ్రైవింగ్ చేస్తూ మొదటిసారి పట్టుబడిన వారికి 5వేల జరిమానా, ఆరునెలల జైలుశిక్ష విధిస్తారు. తిరిగి మరోసారి ఇదే నేరానికి పాల్పడితే రెండేళ్ల వరకు జైలు, 10వేలు జరిమానా విధిస్తారు. ఇన్సూరెన్స్లేని వాహనాలను నడిపేవారికి, యాక్సిడెంట్ చేసి బాధితులను ఆసుపత్రికి తీసుకువెళ్లని డ్రైవర్లకు, భద్రతా పరంగా అనుమతి లేని వాహన పరికరాలను అమ్మేవారికి సైతం ఎంత మేరకు జరిమానాలు, శిక్షలను విధించాలో మంత్రుల బృందం నిర్ణయం తీసుకుంది.