ఆ భారీ మంట‌ల్లోంచే... అత‌ను వెహికల్ న‌డిపాడు!
సినిమాల్లో మాత్ర‌మే మ‌నం ఇలాంటి స‌న్నివేశాల‌ను ఊహించ‌గ‌లం. ఒక ప‌క్క పేలుడుతో ఆ ప్ర‌దేశ‌మంతా ద‌ద్ద‌రిల్లుతుంటే…అగ్నిమాప‌క‌ద‌ళం సిబ్బంది త‌మ‌లోని ఒక స‌హోద్యోగి సాహ‌సంతో బ‌తికి బ‌య‌ట‌ప‌డ్డారు. ప‌ల్గాన్‌లోని ఆర్మీ ఆయుధాగారంలో తెల్ల‌వారితే మంగ‌ళ‌వార‌మ‌న‌గా సంభ‌వించిన అగ్ని ప్ర‌మాద సమయంలో జ‌రిగిన సంఘ‌ట‌న ఇది. అగ్నిమాప‌క ద‌ళంలో ప‌నిచేస్తున్న స్వాప్నిల్ ఖుర్జ్ చేసిన సాహ‌సం, త‌నతో పాటు త‌న తోటి సిబ్బంది ప్రాణాల‌ను కాపాడింది. ఆయుధాగారంలో చెల‌రేగిన మంట‌లతో వారి ప్రాణాలే రిస్క్‌లో ప‌డ్డాయి. వారి వెహిక‌ల్‌ని ఒక్క‌సారిగా […]
సినిమాల్లో మాత్ర‌మే మ‌నం ఇలాంటి స‌న్నివేశాల‌ను ఊహించ‌గ‌లం. ఒక ప‌క్క పేలుడుతో ఆ ప్ర‌దేశ‌మంతా ద‌ద్ద‌రిల్లుతుంటే…అగ్నిమాప‌క‌ద‌ళం సిబ్బంది త‌మ‌లోని ఒక స‌హోద్యోగి సాహ‌సంతో బ‌తికి బ‌య‌ట‌ప‌డ్డారు. ప‌ల్గాన్‌లోని ఆర్మీ ఆయుధాగారంలో తెల్ల‌వారితే మంగ‌ళ‌వార‌మ‌న‌గా సంభ‌వించిన అగ్ని ప్ర‌మాద సమయంలో జ‌రిగిన సంఘ‌ట‌న ఇది. అగ్నిమాప‌క ద‌ళంలో ప‌నిచేస్తున్న స్వాప్నిల్ ఖుర్జ్ చేసిన సాహ‌సం, త‌నతో పాటు త‌న తోటి సిబ్బంది ప్రాణాల‌ను కాపాడింది. ఆయుధాగారంలో చెల‌రేగిన మంట‌లతో వారి ప్రాణాలే రిస్క్‌లో ప‌డ్డాయి. వారి వెహిక‌ల్‌ని ఒక్క‌సారిగా మంట‌లు చుట్టుముట్టాయి. భారీ పేలుడుతో వెహిక‌ల్‌లో కూర్చుని ఉన్న స్వాప్నిల్ చెవులు ఒక్క‌సారిగా ద‌ద్ద‌రిల్లిపోయి, చెవుల్లోంచి ర‌క్తం వ‌చ్చింది. మిగిలిన సిబ్బంది కూడా త‌ప్పించుకుని ప‌రిగెత్తుకుని వ‌చ్చి వెహికల్ వ‌ద్ద‌కు చేరారు. అయితే వారు ముందుకు క‌ద‌ల‌డానికి వీలు లేకుండా క్ష‌ణాల్లో మంట‌లు ఆ ప్రాంత‌మంతా వ్యాపించాయి.
ఆ సమయంలో క‌ళ్ల‌ముందే మృత్యువుని చూశానన్నాడు స్వాప్నిల్. అగ్నిమాప‌క ద‌ళానికి చెందిన మూడు వాహ‌నాలు వారిక‌ళ్ల‌ముందే పేలిపోయాయి. ఆర్మీ అధికారులు, క్విక్ రెస్పాన్స్ టీమ్ల వాహ‌నాలు సైతం పేలిపోయాయి. దాంతో ఆ వాహ‌నంలో ఉన్న‌వారంతా త‌మ ప్రాణాల‌మీద ఆశ వ‌దిలేసుకున్నారు. అయితే స్వాప్నిల్ మాత్రం…భ‌య‌ప‌డ‌కండి అంతా వెహిక‌ల్‌లో కూర్చోండి అని చెప్పాడు. అప్ప‌టికే వారి వాహ‌నం క‌ద‌ల‌డానికి వీలులేకుండా మంట‌లున్నాయి. అయినా స్వాప్నిల్ వెహిక‌ల్‌ని మంట‌ల్లోంచే ముందుకు న‌డిపించాడు. త‌మ బండి కూడా పేలిపోతుంద‌ని, డ్రైవ్ చేయ‌వ‌ద్ద‌ని లోప‌ల ఉన్న‌వారు అరుస్తున్నా అత‌ను వినిపించుకోలేదు. బండిని ఆపినా బ‌త‌కం…త‌ప్ప‌కుండా చ‌నిపోతాం…అని వాళ్లకు చెబుతూ వాహ‌నాన్ని ఆప‌కుండా ముందుకు న‌డిపించాడు. అప్ప‌టికే వాహ‌నం టైర్ల‌లో ఒక‌టి పాడైపోయింది. ఆ ప‌రిస్థితుల్లో స్వాప్నిల్ కూడా ప్రాణాల‌మీద ఆశ‌ను వ‌దిలేసుకున్నాడు. కానీ అత‌ను వాహ‌నాన్ని గేటు వ‌ర‌కు తీసుకువెళ్లాడు. అక్క‌డ అంబులెన్సులు సిద్ధంగా ఉన్నాయి. స్వాప్నిల్ ఒక్క‌డికే చెవుల్లోంచి ర‌క్తం వ‌చ్చింది. మిగిలిన‌వారికి ఎలాంటి ప్ర‌మాద‌మూ జ‌ర‌గ‌లేదు. అత‌నితో పాటు బ‌య‌ట‌ప‌డిన సిబ్బంది కుటుంబాల వారు ఇప్పుడ‌త‌డిని దేవుడిలా భావిస్తున్నారు. స్వాప్నిల్‌కి ఇంకా కుడి చెవి ప‌నిచేయ‌టం లేదు.
