ఆమె సెకండ్‌హ్యాండ్ ఫ్రిజ్ ని కొంది...అందులో శ‌వం ఉంది!

ఈ ఆశ్చ‌ర్య‌క‌ర‌మైన, భ‌యాన‌క‌మైన సంఘ‌ట‌న‌ అమెరికా, ఉత్త‌ర క‌రోలినా లోని గోల్డ్స్ బోరోలో జ‌రిగింది. ఓ మ‌హిళ 30 డాల‌ర్లు పెట్టి ఒక పాత ప్రిజ్‌ని త‌న పొరుగింటివారి నుండి కొనుగోలు చేసింది. ప్రిజ్‌ని అమ్మిన ఆవిడ… ఆ ఫ్రిజ్‌ని చ‌ర్చిలో ప్ర‌తి ఆదివారం తాను నిర్వ‌హించే క్లాసులకు ప్రాజెక్టు వ‌ర్కుకోసం వాడామ‌ని, చ‌ర్చివారి వ‌స్తువులు అందులో ఉన్నాయ‌ని, వారు వ‌చ్చి తీసుకువెళ‌తార‌ని…అప్ప‌టివ‌ర‌కు తెర‌వ‌వ‌ద్ద‌ని చెప్పింది. కొంత‌కాలం ఎదురుచూశాక ఎవ‌రూ రాక‌పోయేస‌రికి ఫ్రిజ్‌ని తెర‌చి చూసిన కొన్న మ‌హిళ‌ భ‌యంతో వ‌ణికిపోయింది. అందులో ఒక శ‌వం తాలూకూ శ‌రీర భాగాలు క‌నిపించాయి. ఒక్క ఉదుటున బ‌య‌ట‌కు ప‌రిగెత్తి, పోలీసుల‌కు ఫోన్ చేసింది. ఫోన్‌కాల్‌కి స్పందించిన పోలీసులు వారింటికి వ‌చ్చి చూసి అవి మ‌నిషి శ‌రీర భాగాలే అని నిర్దారించారు. వారు త‌దుప‌రి చ‌ర్య‌ల‌ను తీసుకుంటున్నారు. అయితే ఆమె మాత్రం ఇంకా ఆ షాక్‌నుండి తేరుకోలేదు. ఆ శ‌రీర భాగాలు ఆ ప‌క్కింటావిడ త‌ల్లివ‌నే అనుమానం త‌న‌కుంద‌ని ఆమె చెబుతోంది. ఆ ప‌క్కింటావిడ త‌న త‌ల్లి శ‌వాన్ని త‌న‌కు 30 డాల‌ర్ల‌కు అమ్మిందంటూ ఆమె వాపోయింది.