ఆ గుళ్లో దేవుడికి.... ఆరెస్సెస్వారి ఖాకీ నిక్కర్ తొడిగారు!
గుజరాత్, సూరత్లోని ఒక ఆలయంలో దేవుడికి పూర్తిగా ఆరెస్సెస్ డ్రస్ని తొడిగారు. 19 వశాతాబ్దపు ఆధ్యాత్మికవేత్త అయిన స్వామినారాయణ్ని ఈ గుడిలో భక్తులు దేవునిగా కొలుస్తున్నారు. అయితే స్వామి నారాయణన్ విగ్రహం.. ఇటీవల ఒకరోజు ఖాకీ నిక్కరు, తెల్లచొక్కా, నల్ల బూట్లు, నల్లని టోపీతో దర్శనమివ్వటంతో భక్తులు ఆశ్చర్యంతో తెల్లబోయారు. అంతేకాదు, విగ్రహం చేతిలో జాతీయ జెండా సైతం ఉంది. ఈ వేషధారణతో ఉన్న స్వామివారి ఫొటో సోషల్ మీడియాలో వైరల్ కావటంతో…దీనిపై ఆశ్చర్యంతో పాటు తీవ్రమైన నిరసనలు […]
గుజరాత్, సూరత్లోని ఒక ఆలయంలో దేవుడికి పూర్తిగా ఆరెస్సెస్ డ్రస్ని తొడిగారు. 19 వశాతాబ్దపు ఆధ్యాత్మికవేత్త అయిన స్వామినారాయణ్ని ఈ గుడిలో భక్తులు దేవునిగా కొలుస్తున్నారు. అయితే స్వామి నారాయణన్ విగ్రహం.. ఇటీవల ఒకరోజు ఖాకీ నిక్కరు, తెల్లచొక్కా, నల్ల బూట్లు, నల్లని టోపీతో దర్శనమివ్వటంతో భక్తులు ఆశ్చర్యంతో తెల్లబోయారు. అంతేకాదు, విగ్రహం చేతిలో జాతీయ జెండా సైతం ఉంది. ఈ వేషధారణతో ఉన్న స్వామివారి ఫొటో సోషల్ మీడియాలో వైరల్ కావటంతో…దీనిపై ఆశ్చర్యంతో పాటు తీవ్రమైన నిరసనలు వ్యక్తమయ్యాయి.
ఆలయాన్ని దర్శించిన కాంగ్రెస్, బిజెపి నాయకులు దీనిపై ప్రశ్నించగా…ఇందులో ఎలాంటి ఉద్దేశం లేదని పూజారి తెలిపాడు. దేవతా మూర్తి రూపానికి భిన్న దుస్తులు వేయటం ఆనవాయితీ కాగా, రెండురోజుల క్రితం ఒక స్థానిక భక్తుడు ఆ దుస్తులను స్వామివారికి సమర్పించాడని, దాంతో వాటిని ధరింపచేశామని ఆయన చెప్పుకొచ్చాడు, ఇది ఇంత వివాదాస్పదం అవుతుందని తనకు తెలియదని అన్నాడు. ఇందులో ఎలాంటి ఉద్దేశం లేదని ఆయన చెప్పినా… కాంగ్రెస్ నాయకులు దీనిపై తీవ్ర విమర్శలు చేశారు. గుజరాత్ బిజెపి పార్టీ అధ్యక్షుడు విజయ్ రూపానీ సైతం ఇది తనకెంతో ఆశ్చర్యాన్ని కలిగించిందని, ఇలాంటివాటిని తాను ఆమోదించనని అన్నారు.