వారెన్ బఫెట్తో భోజనం...కేవలం 22 కోట్లు!
ప్రపంచ ప్రఖ్యాత ఇన్వెస్టర్, అమెరికన్ బిజినెస్ మ్యాగ్నెట్ వారెన్ బఫెట్తో కలిసి ఒక్కపూట భోజనం చేయాలంటే కోట్లు ఖర్చుపెట్టాల్సిందే. ఇందుకు సిద్ధపడి వేలంలో ఈ అవకాశాన్ని పొందాడో అజ్ఞాత వ్యక్తి. ఇందుకోసం ఆ బిడ్డర్ చెల్లిస్తున్నది అక్షరాలా 34,56,789 డాలర్లు. అంటే మన కరెన్సీలో 22 కోట్లకు పై చిలుకే. ఈ డబ్బంతా శాన్ప్రాన్సిస్కోలోని గ్లెడ్ అనే స్వచ్ఛంద సంస్థకు విరాళంగా వెళుతుంది. ఈ సంస్థ నిరుపేదలకు, నిరాశ్రయులకు అండగా నిలబడుతున్నది. ఈబేలో బఫెట్తో లంచ్ అవకాశం […]
ప్రపంచ ప్రఖ్యాత ఇన్వెస్టర్, అమెరికన్ బిజినెస్ మ్యాగ్నెట్ వారెన్ బఫెట్తో కలిసి ఒక్కపూట భోజనం చేయాలంటే కోట్లు ఖర్చుపెట్టాల్సిందే. ఇందుకు సిద్ధపడి వేలంలో ఈ అవకాశాన్ని పొందాడో అజ్ఞాత వ్యక్తి. ఇందుకోసం ఆ బిడ్డర్ చెల్లిస్తున్నది అక్షరాలా 34,56,789 డాలర్లు. అంటే మన కరెన్సీలో 22 కోట్లకు పై చిలుకే. ఈ డబ్బంతా శాన్ప్రాన్సిస్కోలోని గ్లెడ్ అనే స్వచ్ఛంద సంస్థకు విరాళంగా వెళుతుంది. ఈ సంస్థ నిరుపేదలకు, నిరాశ్రయులకు అండగా నిలబడుతున్నది. ఈబేలో బఫెట్తో లంచ్ అవకాశం వేలం… శుక్రవారం వరకు అయిదురోజుల పాటు నడిచింది. 2012లో సైతం సరిగ్గా ఇంతే మొత్తంతో బఫెట్తో భోజనం అవకాశాన్ని ఒక వ్యక్తి దక్కించుకున్నాడు. అప్పుడు, ఇప్పుడు ఇంత మొత్తంలో వ్యక్తిగత సేవా కార్యక్రమంకోసం చెల్లించిన వ్యక్తులు తమ పేర్లను వెల్లడించకుండా అజ్ఞాతంగా ఉన్నారు.
గత ఏడాది ఈ అవకాశం దక్కించుకున్నచైనా బీజింగ్ కంపెనీ దలియన్ జయస్ ఎంటర్టైన్మెంట్ తో పోలిస్తే ఈ సారి భోజనం వేలం 3లక్షల డాలర్లు అధికంగా పలికింది. గత ఎనిమిదేళ్లలో బఫెట్ భోజనం… ఆరుసార్లు రెండు మిలియన్ డాలర్లకు మించి వసూలు చేసింది. ఇప్పటివరకు బఫెట్ భోజన వేలం ద్వారా గ్లెడ్ సంస్థకు 20 మిలియన్ డాలర్లు (దాదాపు 130 కోట్ల రూపాయలు) నిధులు సమకూరాయి. బఫెట్ మొదటి భార్య సూసీ, గ్లెడ్ సంస్థలో వాలంటీర్గా ఉంటూ ఈ భోజనవేలం కార్యక్రమాన్ని ప్రారంభించారు. 2004లో ఆమె మరణించినా బఫెట్ ఈ సేవా కార్యక్రమాన్ని కొనసాగిస్తున్నారు. భోజన సమయంలో బఫెట్ తదుపరి పెట్టుబడుల గురించి తప్ప మరే అంశం మీదైనా మాట్లాడే అవకాశం ఉంటుంది.