ఓర్లాండో దాడి గురించి... ఆమెకు ముందే తెలుసు!
అమెరికా, ఫ్లోరిడాలోని ఓర్లాండోలో నరమేధం సృష్టించిన ఒమర్ మతీన్ కి రెండో భార్య అయిన జాహీ సల్మాన్ (30)కు దాడి గురించి ముందే తెలుసునని అమెరికా అత్యున్నత దర్యాప్తు సంస్థ ఎఫ్బిఐ పేర్కొంది. సల్మాన్ను అదుపులోకి తీసుకుని ప్రశ్నిస్తున్న దర్యాప్తు అధికారులకు, ఆమె చెబుతున్న విషయాలు మతిపోయేలా చేస్తున్నాయని తెలుస్తోంది. దాడికి కావలసిన ఆయుధ సామగ్రిని కొంటున్నపుడు ఆమె భర్తతోనే ఉందని, దాడి జరిగిన నైట్క్లబ్ వద్ద మతీన్ని అంతకుముందు చాలా సార్లు డ్రాప్ చేసి వచ్చిందని […]
అమెరికా, ఫ్లోరిడాలోని ఓర్లాండోలో నరమేధం సృష్టించిన ఒమర్ మతీన్ కి రెండో భార్య అయిన జాహీ సల్మాన్ (30)కు దాడి గురించి ముందే తెలుసునని అమెరికా అత్యున్నత దర్యాప్తు సంస్థ ఎఫ్బిఐ పేర్కొంది. సల్మాన్ను అదుపులోకి తీసుకుని ప్రశ్నిస్తున్న దర్యాప్తు అధికారులకు, ఆమె చెబుతున్న విషయాలు మతిపోయేలా చేస్తున్నాయని తెలుస్తోంది. దాడికి కావలసిన ఆయుధ సామగ్రిని కొంటున్నపుడు ఆమె భర్తతోనే ఉందని, దాడి జరిగిన నైట్క్లబ్ వద్ద మతీన్ని అంతకుముందు చాలా సార్లు డ్రాప్ చేసి వచ్చిందని దర్యాప్తు వర్గాలు వెల్లడించాయి.
దాడి ఎక్కడ చేయాలి, ఎప్పుడు ఎలా చేయాలి…అనే విషయాలను మతీన్ తనతో చర్చించేవాడని, అలాంటి చర్యలకు పాల్పడవద్దని తాను సముదాయించేదాన్నని… ఆమె పేర్కొందని ఎఫ్బిఐ అధికారులు తెలిపారు. అయితే అతను దాడిని చేసేందుకు నిర్ణయించుకున్నాడనే సంగతి ఆమెకు ఎంత వరకు తెలుసుననే విషయం మీద అధికారులు ప్రశ్నిస్తున్నారు. అయినా అంతటి నేరస్వభావం ఉన్న తన భర్త గురించి ఆమె పోలీసులకు సమాచారం ఇవ్వకపోవటం నేరమేనని, పరోక్షంగా ఆమెకూడా ఈ భయంకరమైన దాడికి ఒక కారణంగా మారిందని అధికారులు పేర్కొంటున్నారు. దాడి జరుపుతున్న సమయంలో కూడా మతీన్ ఆమెకు ఫోన్ చేసినట్టుగా వారు వెల్లడించారు. జాహీ సల్మాన్ దర్యాప్తు పరంగా తమకు సహకరిస్తున్నట్టుగా ఎఫ్బిఐ అధికారులు తెలిపారు.