ఖ‌తార్‌లో క‌ఠిన శిక్ష‌లు వివాహేతర సంబంధానికి దేశ‌బ‌హిష్కారం...తాగుడుకి కొర‌డా దెబ్బ‌లు!
వివాహేతర సంబంధం క‌లిగిఉన్న‌ద‌నే నేరం రుజువు కావ‌డంలో ఖ‌తార్ కోర్టు ఒక డ‌చ్ మ‌హిళ (22) కు దేశ‌బ‌హిష్కార శిక్ష‌ని విధించింది. ఒమ‌ర్ అబ్దుల్లా అల్ హ‌స‌న్ అనే సిరియాకు చెందిన వ్య‌క్తితో ఆమెకు వివాహేతర సంబంధం ఉన్న‌ద‌ని రుజువైనందున, ఆమెకు దేశ‌బ‌హిష్కారం, 3వేల రియ‌ల్స్ (దాదాపు 53వేల రూపాయ‌లు) జ‌రిమానా విధిస్తున్న‌ట్టుగా కోర్టు పేర్కొంది. జ‌రిమానా చెల్లించిన అనంత‌రం ఆమె దేశాన్ని వ‌దిలి వెళ్లాల‌ని ఆదేశించింది. మార్చి 14న ఆ డ‌చ్ మ‌హిళ త‌న‌కు […]
వివాహేతర సంబంధం క‌లిగిఉన్న‌ద‌నే నేరం రుజువు కావ‌డంలో ఖ‌తార్ కోర్టు ఒక డ‌చ్ మ‌హిళ (22) కు దేశ‌బ‌హిష్కార శిక్ష‌ని విధించింది. ఒమ‌ర్ అబ్దుల్లా అల్ హ‌స‌న్ అనే సిరియాకు చెందిన వ్య‌క్తితో ఆమెకు వివాహేతర సంబంధం ఉన్న‌ద‌ని రుజువైనందున, ఆమెకు దేశ‌బ‌హిష్కారం, 3వేల రియ‌ల్స్ (దాదాపు 53వేల రూపాయ‌లు) జ‌రిమానా విధిస్తున్న‌ట్టుగా కోర్టు పేర్కొంది. జ‌రిమానా చెల్లించిన అనంత‌రం ఆమె దేశాన్ని వ‌దిలి వెళ్లాల‌ని ఆదేశించింది.
మార్చి 14న ఆ డ‌చ్ మ‌హిళ త‌న‌కు డ్ర‌గ్స్ ఇచ్చి అత్యాచారం చేసిన‌ట్టుగా పోలీసుల‌కు పిర్యాదు చేయటంతో, విచార‌ణ జ‌రిపిన పోలీసులు… ఆమె అక్ర‌మ సంబంధం క‌లిగి ఉంద‌ని తేల్చారు. ఈ నేరానికి గ‌ల్ఫ్ దేశంలో ఏడేళ్ల శిక్ష ప‌డే అవ‌కాశం ఉంది. ఈ నేరంలో భాగ‌స్వామి అయిన ఒమ‌ర్ అబ్దుల్లా అల్ హ‌స‌న్‌కు కోర్టు 140 కొర‌డా దెబ్బ‌ల‌ను శిక్ష‌గా విధించింది. 100 దెబ్బ‌లు అనైతిక సంబంధానికి, 40 దెబ్బ‌లు ఆల్క‌హాల్ తాగినందుకు. అయితే అత‌ను ఈ దెబ్బ‌ల‌ను స‌హించే స్థితిలో ఉన్నాడా లేదా అనేది ముందుగా ప‌రీక్షించి త‌రువాతే శిక్ష‌ని అమ‌లు చేస్తారు. ఈ కేసులో మూడుసార్లు కోర్టుకి హాజ‌రైన ఆ మ‌హిళ, దోహాలోని ఒక హోట‌ల్‌లో దిగిన‌ప్పుడు త‌న‌కు డ్ర‌గ్స్‌ని ఇచ్చి, ఒక అపార్ట్‌మెంట్‌కి తీసుకువెళ్లి అత్యాచారం చేశార‌ని పేర్కొన‌గా కోర్టు ఆమె వాద‌న‌ను న‌మ్మ‌లేదు. జ‌రిమానా చెల్లించిన వెంట‌నే ఆమెను దేశం నుండి పంపేస్తారు. ఇందుకు ఆమెకు తమ స‌హాయం ఉంటుంద‌ని ఖ‌తార్‌లోని డ‌చ్ రాయ‌బారి తెలిపారు. నెద‌ర్లాండ్‌లో ఉంటున్న బాధితురాలి త‌ల్లి త‌న కుమార్తె విడుద‌లైనందుకు ఆనందాన్ని వ్య‌క్తం చేసింది. కోర్టు ఆమెకు త‌క్కువ శిక్ష విధించింద‌ని, అదే ముస్లిం మ‌హిళ అయివుంటే క‌నీసం ఐదేళ్ల జైలు శిక్ష త‌ప్ప‌నిస‌రి అని కోర్టు సిబ్బంది ఒక‌రు వ్యాఖ్యానించారు.
