ఏడేళ్ల బాలిక‌పై అత్యాచారం...హ‌త్య...పోలీసుల‌చే ద‌హ‌న సంస్కారం!
ఇక్క‌డ చ‌ట్టం, న్యాయం లాంటివి అస‌లు ప‌నిచేస్తున్నాయా…అనే అనుమానం వ‌స్తుంది…ఈ నేరాన్ని గురించి వింటే. ఉత్తర ప్ర‌దేశ్‌లోని అల‌హాబాద్ కి 50 కిలోమీట‌ర్ల దూరంలో ఉన్న ఓ గ్రామంలో ఈ నెల 5న ఏడేళ్ల చిన్నారిపై, ఆమె పొరుగింట్లోనే ఉండే ప‌దిహేనేళ్ల కుర్రాడు లైంగిక దాడి చేశాడు. పాప త‌ల్లిదండ్రులు పోలీస్ కంప్ల‌యింట్ ఇచ్చి వారాలు గ‌డిచినా పోలీసులు నిందితుడిని అరెస్టు చేయ‌లేదు. చివ‌రికి గ‌త ఆదివారం ఆ కుర్రాడిని పోలీసులు అదుపులోకి తీసుకున్నారు. అయితే ఇది […]
ఇక్క‌డ చ‌ట్టం, న్యాయం లాంటివి అస‌లు ప‌నిచేస్తున్నాయా…అనే అనుమానం వ‌స్తుంది…ఈ నేరాన్ని గురించి వింటే. ఉత్తర ప్ర‌దేశ్‌లోని అల‌హాబాద్ కి 50 కిలోమీట‌ర్ల దూరంలో ఉన్న ఓ గ్రామంలో ఈ నెల 5న ఏడేళ్ల చిన్నారిపై, ఆమె పొరుగింట్లోనే ఉండే ప‌దిహేనేళ్ల కుర్రాడు లైంగిక దాడి చేశాడు. పాప త‌ల్లిదండ్రులు పోలీస్ కంప్ల‌యింట్ ఇచ్చి వారాలు గ‌డిచినా పోలీసులు నిందితుడిని అరెస్టు చేయ‌లేదు. చివ‌రికి గ‌త ఆదివారం ఆ కుర్రాడిని పోలీసులు అదుపులోకి తీసుకున్నారు.
అయితే ఇది జరిగిన రెండురోజుల‌కు ఓ రాత్రి కుర్రాడి తండ్రి తో పాటు అయిదుగురు దుండ‌గులు బాలిక ఇంట్లోకి ప్ర‌వేశించి ఆమెని క‌త్తితో పొడిచి చంపారు. పోలీసులు కేసు న‌మోదు చేసి అరెస్టులు చేశారు. అరెస్ట‌యిన‌వారిలో నిందితుడి తండ్రితో పాటు ఆ గ్రామ పెద్ద కూడా ఉన్నాడు. అత‌ని కార‌ణంగానే పోలీసులు మొద‌ట త‌మ కేసుని న‌మోదు చేసుకోలేద‌ని బాలిక త‌ల్లిదండ్రులు చెబుతున్నారు.
బాలిక కుటుంబానికి జరిగిన ఈ అన్యాయం చాలద‌న్న‌ట్టుగా పోలీసులు ఆమె మృత‌దేహాన్ని కుటుంబానికి ఇవ్వ‌కుండా వారే నిన్న ద‌హ‌న సంస్కారాలు నిర్వ‌హించారు. అడ్డుకున్న బాలిక త‌ల్లిదండ్రుల‌ను లాఠీల‌తో కొట్టారు. బాలిక మృత‌దేహాన్ని ఆమె కుటుంబానికి ఇస్తే…శాంతి భ‌ద్ర‌త‌ల స‌మ‌స్య త‌లెత్తుతుంద‌ని పోలీసులు చెబుతున్నారు.
