టాయిలెట్ కట్టించుకోండి...కబాలీ సినిమా ఫ్రీగా చూడండి!
స్వచ్ఛభారత్కి రజనీకాంత్ సినిమాని ముడిపెట్టింది పుదుచ్చేరి ప్రభుత్వం. మీ ఇంట్లో టాయిలెట్ కట్టించుకోండి…రజనీకాంత్ సినిమా కబాలీకి టికెట్ని ఉచితంగా పొందండి… అంటూ ప్రచారం చేస్తోంది. అయితే ఈ అవకాశం పుదుచ్ఛేరి రాష్ట్ర ప్రజలందరికీ కాదు, సెల్లీపేట గ్రామ పంచాయితీ వాసులకు మాత్రమే. జిల్లా గ్రామీణ అభివృద్ధి ఏజన్సీ నిర్వహించిన ఒక సర్వేలో సెల్లీ పేటలో టాయిలెట్ సదుపాయం ఉన్న ఇళ్లు చాలా తక్కువగా ఉన్నట్టుగా తేలింది. ఈ గ్రామంలో 772 ఇళ్లు ఉండగా, 447 ఇళ్లకు టాయిలెట్లు […]
స్వచ్ఛభారత్కి రజనీకాంత్ సినిమాని ముడిపెట్టింది పుదుచ్చేరి ప్రభుత్వం. మీ ఇంట్లో టాయిలెట్ కట్టించుకోండి…రజనీకాంత్ సినిమా కబాలీకి టికెట్ని ఉచితంగా పొందండి… అంటూ ప్రచారం చేస్తోంది. అయితే ఈ అవకాశం పుదుచ్ఛేరి రాష్ట్ర ప్రజలందరికీ కాదు, సెల్లీపేట గ్రామ పంచాయితీ వాసులకు మాత్రమే. జిల్లా గ్రామీణ అభివృద్ధి ఏజన్సీ నిర్వహించిన ఒక సర్వేలో సెల్లీ పేటలో టాయిలెట్ సదుపాయం ఉన్న ఇళ్లు చాలా తక్కువగా ఉన్నట్టుగా తేలింది.
ఈ గ్రామంలో 772 ఇళ్లు ఉండగా, 447 ఇళ్లకు టాయిలెట్లు లేవని గుర్తించారు. దాంతో ప్రభుత్వం ఈ వినూత్న ఉపాయం ఆలోచించింది. పుదుచ్ఛేరి లెఫ్ట్నెంట్ గవర్నర్ కిరణ్బేడి ఈ విషయంలో చొరవ తీసుకున్నట్టుగా తెలుస్తోంది. ఆమె రజనీకాంత్ని పుదుచ్ఛేరిలో స్వచ్ఛభారత్ పథకానికి బ్రాండ్ అంబాసిడర్గా ఉండమని కోరినట్టుగా సమాచారం.