మితిమీరిన మోహ‌మే… స్వాతి హత్యకు కార‌ణమా!
ఇలా కూడా జ‌రుగుతుందా… అనిపించేలా ఉంది చెన్నై టెక్కీ స్వాతి హ‌త్య వెనుక ఉన్న కార‌ణం. స్వాతి గ‌త‌నెల 24న చెన్నైలోని నుంగంబాకం రైల్వే స్టేష‌న్లో దారుణంగా హత్యకు గుర‌యిన సంగ‌తి తెలిసిందే. పోలీసులు ఈ కేసులో నిందితుడిగా భావిస్తున్న రామ్‌కుమార్ (24) అనే ఇంజనీరుని గ‌త రాత్రి త‌మిళ‌నాడులోని తిరువనేలిలో అరెస్టు చేశారు. పోలీసులు అరెస్టు చేయ‌బోగా అత‌ను ఆత్మ‌హ‌త్యా ప్ర‌య‌త్నం చేసిన‌ట్టుగా తెలుస్తోంది. రామ్‌కుమార్ స్వాతిపై ఉన్న విపరీతమైన ఆకర్ష‌ణ, మోహంతోనే ఈ హత్యకు […]
ఇలా కూడా జ‌రుగుతుందా… అనిపించేలా ఉంది చెన్నై టెక్కీ స్వాతి హ‌త్య వెనుక ఉన్న కార‌ణం. స్వాతి గ‌త‌నెల 24న చెన్నైలోని నుంగంబాకం రైల్వే స్టేష‌న్లో దారుణంగా హత్యకు గుర‌యిన సంగ‌తి తెలిసిందే. పోలీసులు ఈ కేసులో నిందితుడిగా భావిస్తున్న రామ్‌కుమార్ (24) అనే ఇంజనీరుని గ‌త రాత్రి త‌మిళ‌నాడులోని తిరువనేలిలో అరెస్టు చేశారు. పోలీసులు అరెస్టు చేయ‌బోగా అత‌ను ఆత్మ‌హ‌త్యా ప్ర‌య‌త్నం చేసిన‌ట్టుగా తెలుస్తోంది.
రామ్‌కుమార్ స్వాతిపై ఉన్న విపరీతమైన ఆకర్ష‌ణ, మోహంతోనే ఈ హత్యకు పాల్ప‌డిన‌ట్టుగా పోలీసులు వెల్ల‌డించారు. అత‌ను కొన్నాళ్లుగా స్వాతి వాళ్లింటికి చేరువ‌లోనే ఇల్లు తీసుకుని ఉంటున్నాడ‌ని, ఆమెని వెంబ‌డించి ఆమెతో స్నేహం చేయాల‌ని ప్ర‌య‌త్నించేవాడ‌ని పోలీసులు తెలిపారు. హ‌త్య జ‌రిగిన రోజు కూడా అత‌ను ఆమెతో వాద‌న‌కు దిగిన‌ట్టుగా సిసిటివి ఫుటేజిలో తెలుస్తోంది. అయితే స్వాతి అత‌డిని పట్టించుకోలేదు. కానీ త‌న‌నెవ‌రో వెంబ‌డిస్తున్నార‌ని స్వాతి త‌మ‌తో చెప్పినట్టుగా ఆమె స్నేహితులు ఇంత‌కుముందే తెలిపారు. పోలీసులు ఇదో అరుదైన కేసుగా చెబుతున్నారు. ఎవ‌రైనా ప‌గ‌తో శ‌త్రుత్వంతో హ‌త్య చేస్తారు…కానీ ఈ కేసులో రామ్‌కుమార్ మితిమీరిన ఆక‌ర్ష‌ణ‌తో హత్యకు పాల్ప‌డిన‌ట్టుగా పోలీసులు భావిస్తున్నారు.
ఈ కేసు గ‌త వారం రోజులుగా త‌మిళ‌నాడులో సంచ‌ల‌నం సృష్టించిన సంగ‌తి తెలిసిందే. నుంగంబాకం రైల్వే స్టేష‌న్లో సంఘటన జ‌రిగిన ప్ర‌దేశంలో సిసిటివి కెమెరాలే లేవు. చుట్టుప‌క్క‌ల ఉన్న ఇళ్ల లోని కెమెరాల ఆధారంగా నిందితుని చిత్రాన్ని విడుద‌ల చేశారు. స్వాతి మృత‌దేహం సంఘటన స్థలంలో రెండుగంట‌ల‌కు పైగా అలాగేప‌డి ఉంది. ఎవ‌రికి వారు చూస్తూ, త‌మ ట్రైన్ వ‌చ్చిన‌పుడు ఏమీ ప‌ట్ట‌న‌ట్టుగా వెళ్లిపోయారు. మ‌ద్రాసు హైకోర్టు దీనిపై…. ప్ర‌ద‌ర్శ‌న‌కు ఉంచిన‌ట్టుగా వ‌దిలేశారంటూ తీవ్ర వ్యాఖ్యలు చేసింది (సంఘటనా స్థలంలో తిరిగిన పౌరులపై స్పందించిన కోర్టు ఇలాంటి సంస్కృతిని ప్రోత్సహిస్తున్న సినిమాలపై, సెన్సార్ పై కాస్త దృష్టి పెడితే బాగుండేది). ఈ కేసుని బుధ‌వారం లోగా ఛేదించాల‌ని ఆదేశించింది.
ఈ కేసు ఆడ‌పిల్ల‌ల‌కు మ‌రికొన్ని ప్రమాద ఘంటిక‌లు మోగించింది. విపరీతమైన వ్యామోహంతో స్నేహాన్ని ఆశించేవారిలో ఇంత‌టి తెగింపు ఉంటుంద‌ని స్వాతి హ‌త్య హెచ్చ‌రించిన‌ట్ట‌యింది.
