ఫుడ్ డెలివరీ చేశాడు...లైంగిక వేధింపులు మొదలుపెట్టాడు!
ఓ ఫుడ్ డెలివరీ బాయ్, ఒక మహిళపై లైంగిక వేధింపులకు పాల్పడిన సంఘటన బెంగలూరు జెపి నగర్లో జరిగింది. జెపి నగర్లో ఉంటున్న స్మిత (పేరు మార్చబడింది) అనే మహిళ చెబుతున్న వివరాలను బట్టి…ఆమె ఈ నెల ఎనిమిదిన ఫుడ్పాండా అనే ఆన్లైన్ ఫుడ్ ఆర్డర్ సర్వీస్ ద్వారా మెక్డొనాల్డ్స్ నుండి ఫుడ్ని ఆర్డర్ చేసింది. రాత్రి పదింటికి పార్శిల్ తీసుకువచ్చిన డెలివరీ బాయ్, దాన్ని ఆమెకు అందజేశాక, ఆమెవైపు తేరిపారా చూస్తూ, అసభ్యంగా కామెంట్లు చేస్తూ […]
ఓ ఫుడ్ డెలివరీ బాయ్, ఒక మహిళపై లైంగిక వేధింపులకు పాల్పడిన సంఘటన బెంగలూరు జెపి నగర్లో జరిగింది. జెపి నగర్లో ఉంటున్న స్మిత (పేరు మార్చబడింది) అనే మహిళ చెబుతున్న వివరాలను బట్టి…ఆమె ఈ నెల ఎనిమిదిన ఫుడ్పాండా అనే ఆన్లైన్ ఫుడ్ ఆర్డర్ సర్వీస్ ద్వారా మెక్డొనాల్డ్స్ నుండి ఫుడ్ని ఆర్డర్ చేసింది. రాత్రి పదింటికి పార్శిల్ తీసుకువచ్చిన డెలివరీ బాయ్, దాన్ని ఆమెకు అందజేశాక, ఆమెవైపు తేరిపారా చూస్తూ, అసభ్యంగా కామెంట్లు చేస్తూ వెళ్లాడు. అతను బయటకు వెళ్లిన అరగంట నుండి ఆమెకు అతని నుండి ఫోన్ కాల్స్ మొదలయ్యాయి. అసభ్యంగా మాట్లాడుతూ, లైంగిక వేధింపులకు పాల్పడ్డాడు. ఆమె తిడుతూ అతని కాల్స్ని కట్ చేసింది.
కానీ ఆ తరువాత ఇతర నెంబర్ల నుండి కూడా మరిన్ని ఫోన్ కాల్స్ రావటం మొదలైంది. దాంతో ఆమె పోలీస్ కంప్లయింట్ ఇచ్చింది. 14 నెంబర్ల నుండి ఫోన్లు చేసిన వ్యక్తులంతా తనతో చాలా అశ్లీలంగా మాట్లాడారని ఆమె చెప్పింది. ఆమె ఫిర్యాదు మేరకు పోలీసులు, శ్రేయాస్ అనే డెలివరీ బాయ్ని అదుపులోకి తీసుకుని ప్రశ్నించారు.
తాను ఫుడ్ని ఇవ్వడానికి వెళ్లినపుడు ఆమె దాన్ని తీసుకోకుండా వెనక్కు తీసుకుని వెళ్లిపొమ్మన్నదని, అలా చేయటం కుదరదని ఎంత చెప్పినా వినలేదని, ఆమె డబ్బు ఇవ్వడానికి ఒప్పుకోకపోవటంతో తాను ఆ పార్శిల్ని ఆమె ఇంటిముందే పెట్టి వచ్చేశానని…ఆ తరువాత పగ తీర్చుకోవడానికే ఆమెని వేధించానని అతను చెప్పాడు. స్మిత అతడికి ఫుడ్కి డబ్బు ఇవ్వడానికి ఒప్పుకోకపోవటంతో అతను ఆమె నెంబర్ని వాట్సప్ గ్రూపులో పెట్టి, ఆమెను అనుచితమైన పనులు చేసే మహిళగా పేర్కొన్నాడని పోలీసులు తెలిపారు. దాంతో ఆమెకు అసభ్యకరమైన భాషతో కాల్స్ రావటం మొదలైంది.
ఫోన్ ద్వారా ఆమెపై లైంగిక వేధింపులకు పాల్పడిన వారందరి వివరాలను సేకరించామని, త్వరలో వారందరినీ అరెస్టు చేస్తామని పోలీసులు వెల్లడించారు. ఈ కేసుపై ఒకపోలీస్ బృందం దర్యాప్తు చేస్తున్నదని అధికారులు తెలిపారు. అయితే ఆమె అతనికి డబ్బు ఇవ్వడానికి ఎందుకు అంగీకరించలేదు… అనే విషయంపై స్మిత నుండి పోలీసులకు తగిన సమాధానం రాలేదు.