రాష్ట్రంలో శాంతి భ‌ద్ర‌త‌లను కాపాడాల్సిన హోంగార్డులు... అధికారుల ఇళ్ల‌లో ప‌నివాళ్లుగా..

ఎక్క‌డ వీలైతే అక్క‌డ మ‌నిషి, మ‌రో మ‌నిషిని దోచుకోవ‌డానికి సిద్ధంగా ఉంటున్నాడు. అది శ్ర‌మ అయినా, డ‌బ్బ‌యినా, ఇంకేదైనా కావ‌చ్చు. దోపిడీ అనేది కామ‌న్‌. ఆధునికత ముసుగులో ఈ బూర్జువా భావ‌జాలం అనేక రూపాల్లో మ‌న మ‌ధ్య రాజ్య‌మేలుతూనే ఉంది. హోం గార్డుల ప‌రిస్థితి ఇందుకు సాక్ష్యంగా నిలుస్తోంది.

రంగారెడ్డి జిల్లా సూప‌రింటెండెంట్ ఆఫ్ పోలీస్ బి న‌వీన్‌ కుమార్ త‌న క్యాంప్ ఆఫీస్‌లో ప‌ది మంది హోం గార్డుల‌ను, త‌న నివాసంలో ఇద్ద‌రిని సొంత ప‌నుల‌కు వినియోగిస్తున్న‌ట్టుగా బ‌య‌ట‌కు రావ‌టంతో హోంగార్డుల స‌మ‌స్య‌లు మ‌రోసారి తెర‌పైకి వ‌చ్చాయి. హోంగార్డులు రాష్ట్రంలో శాంతి భ‌ద్ర‌త‌ల పరిర‌క్ష‌ణ‌కు, పోలీస్ స్టేష‌న్ల‌లో స‌హాయ‌కులుగా కాకుండా పోలీస్ అధికారుల ఇళ్ల‌లో వంట‌, బ‌ట్ట‌లు ఉత‌క‌టం, ఇల్లు శుభ్రం చేయ‌టం, పిల్ల‌ల‌ను చూసుకోవ‌టం… లాంటి ప‌లుర‌కాల ప‌నుల‌ను చేస్తూ, మ‌న‌సు చంపుకుని ఉద్యోగాల్లో కొన‌సాగుతున్నార‌ని …. విచార‌ణ‌ల్లో తేలింది. కొన్ని సార్లు త‌మ‌ పరిస్థితి చెప్పుకోవ‌డానికి కూడా వీలులేనంత దారుణంగా ఉంటున్న‌ద‌ని తెలంగాణ హోమ్‌గార్డ్ అసోసియేష‌న్ స‌భ్యుడు ఒక‌రు తెలిపారు.

ఇన్‌స్పెక్ష‌ర్ల నుండి డిజిపి హోదా అధికారుల వ‌ర‌కు హోంగార్డులతో ఇలాగే ప‌నులు చేయించుకుంటున్నారని సంబందిత వ‌ర్గాలు వెల్ల‌డించాయి. రిజ‌ర్వుపోలీసుల‌కు, తెలంగాణ రాష్ట్ర ప్ర‌త్యేక పోలీస్ ద‌ళాల‌కు శిక్ష‌ణ పొందిన వంట‌వాళ్ల‌ని నియ‌మించుకునే అవ‌కాశం ఉండ‌టంతో, సీనియ‌ర్ ఐపిస్ అధికారులు త‌మ‌కు వంట‌వాళ్ల‌ని, దోభీల‌ను ఇవ్వ‌మ‌ని ఒత్తిడి పెడుతుంటార‌ని తెలుస్తోంది. ఈ డిమాండ్ మ‌రీ ముఖ్యంగా వంట‌వాళ్ల గురించే ఉంటోంది. ఒక‌వేళ వంట వాళ్లు లేర‌ని చెబితే చాలామంది ఆ మాట‌ని మ‌న‌సులో పెట్టుకుని త‌మ‌పై ఏదోఒక విధంగా క‌క్ష తీర్చుకుంటార‌ని, స్పెష‌ల్ పోలీస్‌, సాయుధ రిజ‌ర్వు పోలీసు విభాగాల్లో ప‌నిచేసిన ఒక అధికారి వెల్ల‌డించారు.

ఒక ఐజి స్థాయి అధికారి ఇంట్లో ప‌నిచేస్తున్న ఒక హోం గార్డు, ఆ అధికారి, ఆయ‌న కుటుంబం త‌న‌ను ఒక మ‌నిషిలా కూడా చూడ‌ర‌ని తెలిపాడు. వాళ్లు స్టార్ హోట‌ల్‌కి వెళుతున్న‌పుడు, త‌న‌తో పాటు మిగిలిన హోంగార్డుల‌ను కూడా తీసుకువెళుతుంటార‌ని, అయితే వారు తింటున్నంత సేపు తాము వారి పిల్ల‌ల‌ను ఆడించాల్సి ఉంటుంద‌ని అత‌ను వాపోయాడు. ఇంత‌కుముందున్న ఆంధ్ర‌ప్ర‌దేశ్ ప్ర‌భుత్వం 2009లో పోలీసులను, హోంగార్డుల‌ను ఇలా వినియోగించుకునే ఆర్డ‌ర్లీ విధానాన్ని నిషేధించింది. అప్ప‌ట్లో ఎడిజి వివేక్ దూబేకి న్యూఢిల్లీలోని త‌న నివాసంలో ఇంటిప‌నులు చేస్తున్న కానిస్టేబుల్ ముర‌ళీనాథ్ మ‌ధ్య ప్ర‌దేశ్‌లో అనుమానాస్ప‌ద స్థితిలో మృతి చెందాడు. అత‌ను హైద‌రాబాద్ తిరిగి వ‌స్తుండ‌గా మ‌ర‌ణించాడు. అయితే ప్ర‌భుత్వం విధించిన నిషేధం పోలీస్ కాన్‌స్టేబుళ్ల వ‌ర‌కు మాత్ర‌మే పరిమిత‌మైంది. హోంగార్డుల‌కు మాత్రం ఈ తిప్ప‌లు త‌ప్ప‌డం లేదు.

అయితే ఆర్డ‌ర్లీ విధానం అమ‌ల్లో ఉండ‌గా కొంత‌మంది ఉన్న‌త‌స్థాయి ఐపిఎస్ అధికారులు దాదాపు 30 మందిని త‌మ సొంత‌ప‌నుల‌కు వాడుకునేవార‌ని పోలీస్ వ‌ర్గాలు వెల్ల‌డించాయి. అలా ఎక్కువ‌మందితో ప‌నులు చేయించుకున్న అధికారుల్లో ఒక‌రు ఆంధ్ర‌ప్ర‌దేశ్‌లో డిజి ర్యాంకులో ఉంటే …మ‌రొక‌రు తెలంగాణ‌లో ఐజి స్థాయిలో ఉన్నార‌ని తెలుస్తోంది. ఇదిలా ఉండ‌గా తెలంగాణ మావ‌న హ‌క్కుల క‌మిష‌న్ సైతం దీనిపై వివ‌ర‌ణ కోర‌టంతో తెలంగాణ ఐపిఎస్ అధికారుల అసోసియేష‌న్ చివరికి ఈ వివాదంపై స్పందించింది. దీని సెక్ర‌ట‌రీ వికె సింగ్ మాట్లాడుతూ తాము పోలీసుల సేవ‌లు దుర్వినియోగం కావడానికి వ్య‌తిరేక‌మ‌ని ప్ర‌క‌టించారు. హోంగార్డులను ఇలా వినియోగించుకోడాన్ని కూడా ఖండించిన ఆయ‌న‌, ఇన్‌స్పెక్ట‌ర్ నుండి డిజి స్థాయి వ‌ర‌కు అదికారుల‌కు ప‌నిలో స‌పోర్టు నిచ్చే, శిక్ష‌ణ పొందిన‌ స‌హాయ‌క వ్య‌వ‌స్థ ఉండాల‌ని అన్నారు.

ప్ర‌స్తుతం తెలంగాణ‌లో ఐజి ఆ త‌రువాత స్ధాయి అధికారుల‌కు ఇంట్లో, ఆఫీస్‌లో ప‌నుల‌కోసం, డ్రైవింగ్ కోసం క‌నీసం అయిదుగురు ప‌నిచేస్తున్నారు. ఎసిపి స్థాయి అధికారుల‌కు ఇద్ద‌రు డ్రైవ‌ర్లుగా, ఒక‌రు లేదా ఇద్ద‌రు ఇళ్ల‌లో స‌హాయ‌కులుగా ప‌నిచేస్తున్నారు. ఇన్‌స్పెక్ట‌ర్లు సైతం ఇద్ద‌రు లేదా ముగ్గిరిని త‌మ సొంత‌ప‌నుల‌కు వాడుకుంటున్నారు. కొంత‌మంది మాజీ క‌మిష‌న‌ర్లు సీనియ‌ర్ పొజిష‌న్ల‌లో ఉండి దాదాపు ఎనిమిది మంది హోం గార్డుల‌ను త‌మ ఇంటి ప‌నుల‌కు వినియోగించుకుంటూ ఉంటే, మ‌రికొంద‌రు అధికారులు రిటైర్ అయిన త‌రువాత కూడా ఇప్ప‌టికీ హోంగార్డుల సేవ‌లను పొందుతూనే ఉన్నారు.

రిజ‌ర్వు ద‌ళాల‌కు, స్పెష‌ల్ బెటాలియ‌న్స్‌కు వంట‌వాళ్లుగా రిక్రూట్ అయిన కానిస్టేటుల్స్‌ని ఉన్న‌త స్థాయి అధికారులకు కుక్‌లుగా పంపుతున్నారు. కుక్‌లు త‌క్కువ‌గా ఉండ‌టం వ‌ల‌న ఇలా జ‌రుగుతోంది…అయితే కొన్ని సార్లు వీరిసేవ‌లు సైతం దుర్వినియోగం అవుతున్నాయ‌ని సంబంధిత వ‌ర్గాలు తెలిపాయి.