అవును చంపాను...ప‌శ్చాత్తాపం లేదు!
పాకిస్తాన్ మోడల్, సోష‌ల్‌మీడియా సెల‌బ్రిటీ ఖండీల్ బాలోచ్ హ‌త్య‌కేసులో అరెస్ట‌యిన ఆమె సోద‌రుడు మ‌హ‌మ్మ‌ద్ వ‌సీం, త‌న సోద‌రిని తానే చంపిన‌ట్టుగా ఒప్పుకున్నాడు, అందుకు తానేమీ బాధ‌ప‌డ‌టం లేద‌న్నాడు. బాలోచ్‌ని ఒక టాబ్లెట్‌తో అచేత‌నంగా మార్చి ఆపై గొంతునులిమి హ‌త్య చేసిన‌ట్టుగా అత‌ను చెప్పాడు. బాలోచ్ హ‌త్య‌పై పాక్ సోష‌ల్ మీడియాలో తీవ్రవైన నిర‌స‌న‌లు వెల్లువెత్తాయి. బాలోచ్ మ‌హిళ‌ల‌ను త‌క్కువ‌గా చూసే స‌నాత‌న భావ‌జాలం మీద త‌న ఫొటోలు, వీడియోల ద్వారా తీవ్రంగా స్పందించిన సంగ‌తి తెలిసిందే. […]
పాకిస్తాన్ మోడల్, సోష‌ల్‌మీడియా సెల‌బ్రిటీ ఖండీల్ బాలోచ్ హ‌త్య‌కేసులో అరెస్ట‌యిన ఆమె సోద‌రుడు మ‌హ‌మ్మ‌ద్ వ‌సీం, త‌న సోద‌రిని తానే చంపిన‌ట్టుగా ఒప్పుకున్నాడు, అందుకు తానేమీ బాధ‌ప‌డ‌టం లేద‌న్నాడు. బాలోచ్‌ని ఒక టాబ్లెట్‌తో అచేత‌నంగా మార్చి ఆపై గొంతునులిమి హ‌త్య చేసిన‌ట్టుగా అత‌ను చెప్పాడు. బాలోచ్ హ‌త్య‌పై పాక్ సోష‌ల్ మీడియాలో తీవ్రవైన నిర‌స‌న‌లు వెల్లువెత్తాయి. బాలోచ్ మ‌హిళ‌ల‌ను త‌క్కువ‌గా చూసే స‌నాత‌న భావ‌జాలం మీద త‌న ఫొటోలు, వీడియోల ద్వారా తీవ్రంగా స్పందించిన సంగ‌తి తెలిసిందే. సోష‌ల్‌మీడియాలో ఆమె చేస్తున్న పోస్టుల‌ను చూసి భ‌రించ‌లేకే హ‌త్య చేసిన‌ట్టుగా వ‌సీం తెలిపాడు. ప్ర‌ముఖ ముస్లిం మ‌త‌గురువు అబ్దుల్ ఖ‌వీకి బాలోచ్ అత్యంత చేరువ‌గా క‌న‌బ‌డుతున్న ఫొటోలు, వీడియోలుకూడా ఇందుకు ఒక కార‌ణ‌మ‌ని అత‌ను చెప్పాడు. బాలోచ్‌తో ఉన్న వీడియోల కార‌ణంగా అబ్దుల్ ఖ‌వీని ఆయ‌న స‌భ్యుడిగా ఉన్న ఒక ప్ర‌ముఖ ముస్లిం మ‌త సంస్థ బ‌హిష్క‌రించింది.
బాలోచ్ హ‌త్య‌తో… ప‌రువు హ‌త్య‌కు గుర‌యిన వ్య‌క్తి తాలూకూ కుటుంబం, హంత‌కుడికి క్ష‌మాభిక్ష పెట్టే లొసుగుని తొల‌గిస్తూ ప‌రువు హత్యలకు వ్య‌తిరేకంగా చట్టం తేవాల‌నే డిమాండ్ పాక్‌లో మ‌రొక సారి తెర‌మీదకు వ‌చ్చింది. ప‌లువురు ఆమె హ‌త్య‌పై త‌మ నిర‌స‌న‌ల‌ను, మ‌న‌స్తాపాన్ని వెల్ల‌డించారు. మ‌ర‌ణానికి కొన్ని రోజుల ముందు బాలోచ్, మ‌హిళ‌లు ఒక‌రికొక‌రు అండ‌గా ఉండాల‌ని, త‌మ జీవితాల‌ను తామే బాగుచేసుకోవాల‌ని ఫేస్ బుక్ ద్వారా త‌న 7,58,000 మంది ఫాలోవ‌ర్స్‌కి పిలుపునిచ్చింది. ఏదిఏమైనా మ‌హిళ‌లు త‌మకున్న హ‌ద్దుల‌ను దాటి, త‌మ ఆశ‌లు నెర‌వేర్చుకునే అవ‌కాశం లేద‌ని, అలా చేస్తే వారు హత్యలకు గురికావాల్సి వ‌స్తుంద‌నే సందేశం బాలోచ్ హ‌త్య ద్వారా స‌మాజానికి చేరింద‌ని పాక్‌లోని ప్ర‌ముఖ ఆంగ్ల వార్తా ప‌త్రిక డాన్ త‌న ఎడిటోరియ‌ల్ వ్యాసంలో పేర్కొంది.
