బాలివుడ్ హీరోల్లా గ‌డ్డం చేసుకో...లేదా ఆత్మ‌హ‌త్య చేసుకుంటా!
బాలివుడ్ హీరోల్లా గ‌డ్డం చేసుకుని నున్న‌ని చెంప‌ల‌తో క‌నిపించ‌క‌పోతే ఆత్మ‌హ‌త్య చేసుకుంటాన‌ని ఓ మ‌హిళ త‌న భ‌ర్త‌ని బెదిరించిన ఘ‌ట‌న ఉత్త‌ర ప్ర‌దేశ్‌లోని మీర‌ట్‌లో చోటుచేసుకుంది. ఈ మేర‌కు ఆ భ‌ర్త అర్ష‌ద్ బ‌హ్రుద్దీన్ (36) క‌లెక్ట‌రుకి ఫిర్యాదు చేశాడు. అర్ష‌ద్ ఒక మ‌సీదులో ప్రార్థ‌న‌ల‌ను నిర్వ‌హించే వృత్తిలో ఉన్నాడు. ఆయ‌న‌కు 2001లో స‌హానాతో పెళ్ల‌యింది. పెళ్ల‌యిన‌నాటి నుండి స‌హానా భ‌ర్త‌ని నున్న‌గా షేవ్ చేసుకుని బాలివుడ్ హీరోలు షారుక్‌ఖాన్‌, స‌ల్మాన్‌ఖాన్‌ల్లా ఉండాల‌ని పోరుపెడుతోంది. అలా చేయ‌టం […]
బాలివుడ్ హీరోల్లా గ‌డ్డం చేసుకుని నున్న‌ని చెంప‌ల‌తో క‌నిపించ‌క‌పోతే ఆత్మ‌హ‌త్య చేసుకుంటాన‌ని ఓ మ‌హిళ త‌న భ‌ర్త‌ని బెదిరించిన ఘ‌ట‌న ఉత్త‌ర ప్ర‌దేశ్‌లోని మీర‌ట్‌లో చోటుచేసుకుంది. ఈ మేర‌కు ఆ భ‌ర్త అర్ష‌ద్ బ‌హ్రుద్దీన్ (36) క‌లెక్ట‌రుకి ఫిర్యాదు చేశాడు. అర్ష‌ద్ ఒక మ‌సీదులో ప్రార్థ‌న‌ల‌ను నిర్వ‌హించే వృత్తిలో ఉన్నాడు. ఆయ‌న‌కు 2001లో స‌హానాతో పెళ్ల‌యింది. పెళ్ల‌యిన‌నాటి నుండి స‌హానా భ‌ర్త‌ని నున్న‌గా షేవ్ చేసుకుని బాలివుడ్ హీరోలు షారుక్‌ఖాన్‌, స‌ల్మాన్‌ఖాన్‌ల్లా ఉండాల‌ని పోరుపెడుతోంది. అలా చేయ‌టం త‌న వృత్తి ధ‌ర్మానికి విరుద్ధ‌మ‌ని అత‌ను ఎంత‌గా న‌చ్చ‌చెప్పినా స‌హానా వినిపించుకోలేదు. పైగా గ‌డ్డం చేసుకోక‌పోతే ఆత్మ‌హ‌త్య చేసుకుంటాన‌ని బెదిరించ‌డంతో ఏం చేయాలో తోచ‌ని అర్ష‌ద్, జిల్లా క‌లెక్ట‌ర్‌కి లెట‌రు రాశాడు.
త‌న భార్య స్మార్ట్ ఫోన్లో ప‌రాయి వ్య‌క్తుల‌తో ఛాటింగ్ చేస్తోంద‌ని, త‌మ‌కు న‌లుగురు పిల్ల‌లున్నార‌ని ఆమె ప్ర‌భావం పిల్ల‌ల‌పై ప‌డుతుంద‌ని తాను భ‌య‌ప‌డుతున్న‌ట్టుగా అందులో పేర్కొన్నాడు. భార్య ప్ర‌వ‌ర్త‌న‌తో విసిగిపోయి ఇటీవ‌ల ఆమెను తిట్ట‌గా, ఆమె ఏడుస్తూ, పిల్ల‌ల‌కు విష‌మిచ్చి చంపి, తానూ ఆత్మ‌హ‌త్య చేసుకుంటాన‌ని బెదిరిస్తోంద‌ని, ఎలాగైనా ఆమెకు త‌గిన కౌన్సెలింగ్ ఇప్పించాల‌ని అర్ష‌ద్ విజ్ఞ‌ప్తి చేశాడు.
రంజాన్ పండుగ‌కు పిల్ల‌ల‌కు, ఆమెకు వెస్ట్ర‌న్ బ‌ట్ట‌లు కొన‌మ‌ని బ‌ల‌వంత పెట్టింద‌ని, తాను షాపింగ్‌కి రాన‌ని చెప్ప‌డంతో త‌న‌పై కోప‌గించుకుని ఆత్మ‌హ‌త్య చేసుకుంటాన‌ని బెదిరించింద‌ని తెలిపాడు. పండుగ త‌రువాత రోజు గ‌దిలో ఉరివేసుకోబోతున్న స‌హానాని త‌లుపులు ప‌గుల‌గొట్టి కాపాడామ‌ని అత‌ను పేర్కొన్నాడు. జిల్లా అద‌న‌పు క‌లెక్ట‌ర్… అర్ష‌ద్ లేఖ‌ని పోలీసు అధికారుల‌కు పంపి త‌గిన చ‌ర్య‌లు తీసుకోవాల్సిందిగా కోరిన‌ట్టుగా తెలుస్తోంది.
