డీకే ప్లాన్ స‌క్సెస్  అవుతుందా?

ప్ర‌త్య‌ర్థుల‌పై ఒంటికాలిపై లేచే కాంగ్రెస్ ఫైర్ బ్రాండ్ డీకే అరుణ స‌రికొత్త నిర‌స‌న‌కు శ్రీ‌కారం చుట్టారు. గ‌ద్వాలను జిల్లాగా ప్ర‌క‌టించాల‌న్న డిమాండ్ తో ఆమె పాద‌యాత్ర మొద‌లు పెట్టారు. పాల‌మూరులో గ‌ద్వాల‌ను జిల్లాను చేయాల‌న్న డిమాండ్ చాలాకాలంగా ఉంది. ఇటీవ‌ల జిల్లాల పున‌ర్వ్య‌వ‌స్థీక‌ర‌ణ‌లో గ‌ద్వాల‌కు చోటు ద‌క్కుతుంద‌ని చాలామంది స్థానికులు ఎదురుచూశారు. కానీ, వారి ఆశ‌లు అడియాశ‌ల‌య్యాయి. కొత్త జిల్లాల జాబితాలో గ‌ద్వాల‌కు చోటు ల‌భించ‌లేదు. దీంతో కొంత‌కాలంగా గ‌ద్వాల‌ను జిల్లాను చేయాల‌ని ఉద్య‌మాలు, నిర‌స‌న‌లు ఊపందుకున్నాయి.
దీనికి కాంగ్రెస్ నేత‌లు ప‌లువురు మ‌ద్దతు ప‌లికారు. అనేక ఆందోళ‌న‌ల అనంత‌రం ఇప్పుడు ఈ అంశాన్ని కాంగ్రెస్ ఎమ్మెల్యే డీకే అరుణ చేప‌ట్టారు. కొంతకాలంగా గ‌ద్వాల‌ను జిల్లాగా చేయాల‌ని ప్ర‌భుత్వాన్ని డిమాండ్ చేస్తున్నారు. ద‌స‌రాకు కొత్త జిల్లాలు అమ‌లులోకి వ‌స్తాయని కేసీఆర్ ఇప్ప‌టికే ప్ర‌క‌టించారు. దీనికి త‌గ్గ‌ట్టుగా మండ‌లాల విభ‌జ‌న కూడా జ‌రిగిపోయింది. ఈ విష‌యంలో స్థానికుల‌ ఆకాంక్ష‌లు నెర‌వేర్చేలా, గ‌ద్వాల‌ను జిల్లాగా ప్ర‌క‌టించాల‌న్న డిమాండ్‌తో పాద‌యాత్ర‌కు శ్రీ‌కారం చుట్టారు డీకే. ఈ పాద‌యాత్ర‌లో ఆలంపూర్ ఎమ్మెల్యే సంప‌త్ కుమార్ కూడా పాల్గొన్నారు. ఈరోజు ఉద‌యం గ‌ద్వాల‌లోని జ‌మ్ములమ్మ ఆల‌యం వ‌ద్ద ఈ పాద‌యాత్ర మొద‌లైంది.  గ‌ద్వాల‌, ఇటిక్యాల‌, మాన‌వ‌పాడు, ఆలంపూర్ త‌దిత‌ర ప్రాంతాల మీదుగా 30 గ్రామాల్లో దాదాపు 60 కిలోమీట‌ర్ల మేర ఈ పాద‌యాత్ర సాగ‌నుంది. ఈనెల 22 వ‌ర‌కు యాత్ర కొన‌సాగుతుంది. మ‌రి ఈ యాత్ర ద్వారా గ‌ద్వాల‌ను జిల్లాగా ప్ర‌క‌టించాల‌న్న డీకే ప్లాన్ స‌క్సెస్ అవుతుందా?  లేదా అన్న‌ది ద‌స‌రాకు తెలిపోనుంది.  

Click on Image to Read:

lokesh

prathipati-pulla-rao

chandrababu-naidu

adinarayana-reddy

gottipati-ravikumar

ktr-lokesh

pattipati-pullarao

kovur-tdp-mla-polam-reddy-s

kareena

sania-mirza

raghuveera-reddy

roja

swaroopanandendra-saraswati

jasmin-death-mystery

handriniva

tdp-vijaya-jyothi