రొమాంటిక్ సీన్స్‌లో న‌టిస్తే...పెళ్లికి ప‌నికిరామా?
బ‌తుకుతెరువుకోసం ఎంచుకున్న న‌ట‌న ఆమె వ్య‌క్తిగ‌త జీవితానికి అడ్డుగా మారింది. యూ ట్యూబ్ ఛాన‌ల్స్‌లో రొమాంటిక్ షార్ట్ ఫిల్స్మ్‌లో న‌టించే సిరిప్రియ పెళ్లి చేసుకుని జీవితంలో స్థిర‌ప‌డాల‌ని అనుకుంది. ఆమెని ప్రేమించే వ్య‌క్తి కూడా దొరికాడు. కానీ సిరిప్రియ న‌టిస్తున్న పాత్ర‌లు ఆమె వివాహానికి అడ్డుగా నిలిచాయి. హైద్రాబాద్‌లోని మణికొండలో నివాసముండే చంద్రకళ అలియాస్ సిరిప్రియ పలు రొమాంటిక్ షార్ట్‌ఫిల్మ్స్‌లో నటించింది. షూటింగ్ పూర్తి చేసుకుని విడుదలకు సిద్ధంగా ఉన్న ‘ఆమె కోరిక’ అనే రొమాంటిక్ సినిమాలో […]
బ‌తుకుతెరువుకోసం ఎంచుకున్న న‌ట‌న ఆమె వ్య‌క్తిగ‌త జీవితానికి అడ్డుగా మారింది. యూ ట్యూబ్ ఛాన‌ల్స్‌లో రొమాంటిక్ షార్ట్ ఫిల్స్మ్‌లో న‌టించే సిరిప్రియ పెళ్లి చేసుకుని జీవితంలో స్థిర‌ప‌డాల‌ని అనుకుంది. ఆమెని ప్రేమించే వ్య‌క్తి కూడా దొరికాడు. కానీ సిరిప్రియ న‌టిస్తున్న పాత్ర‌లు ఆమె వివాహానికి అడ్డుగా నిలిచాయి. హైద్రాబాద్‌లోని మణికొండలో నివాసముండే చంద్రకళ అలియాస్ సిరిప్రియ పలు రొమాంటిక్ షార్ట్‌ఫిల్మ్స్‌లో నటించింది. షూటింగ్ పూర్తి చేసుకుని విడుదలకు సిద్ధంగా ఉన్న ‘ఆమె కోరిక’ అనే రొమాంటిక్ సినిమాలో కూడా నటించింది. అయితే అదంతా ఆమె వృత్తి జీవితం. వ్య‌క్తిగ‌త జీవితంలోకి వ‌స్తే సిరిప్రియ, ఇంజినీరింగ్ చ‌దువుతున్న ప్రసన్న కుమార్ కొన్ని సంవ‌త్స‌రాలుగా ప్రేమించుకుంటున్నారు.
తూర్పుగోదావరి జిల్లా సామర్లకోటకు చెందిన ప్రసన్నకుమార్‌తో ఆమెకు ఫేస్‌బుక్ ద్వారా ప‌రిచ‌యం ఏర్ప‌డింది. ఆరేళ్లుగా ప్రేమించుకుంటున్నవీరిద్ద‌రూ ఒక‌రినొక‌రు అర్థం చేసుకుని వివాహంతో ఒక్క‌ట‌వ్వాల‌నుకున్నారు. అయితే వీరి పెళ్లికి పెద్ద‌లు ఒప్పుకోలేదు. పోలీస్ అధికారిగా ఉన్న ప్ర‌స‌న్నకుమార్ తండ్రి, సిరిప్రియ అస‌భ్య‌క‌రంగా న‌టించింద‌ని, ఆమెని కోడ‌లిగా అంగీక‌రించ‌లేమ‌ని కొడుకుతో గ‌ట్టిగా చెప్పారు. ఒక‌వేళ ఆ అమ్మాయే కావాల‌నుకుంటే కుటుంబంతో సంబంధం లేద‌ని రాసిచ్చి వెళ్లిపోవాల‌ని కూడా ఆయ‌న కొడుకుకి ష‌ర‌తు పెట్టారు.
దాంతో పెద్ద‌ల ఇష్టానికి వ్య‌తిరేకంగా ఇటీవ‌ల సిరిప్రియ, ప్రసన్న కుమార్ ఓ చ‌ర్చిలో వివాహం చేసుకున్నారు. త‌మ‌పెళ్లికి పెద్ద‌ల అంగీకారం లేదంటూ, తమకు ర‌క్ష‌ణ క‌ల్పించాలంటూ వారిద్ద‌రూ తూర్పుగోదావరి జిల్లా రాజానగరం పోలీసులను ఆశ్రయించారు. ప్రసన్న కుమార్ బంధువుల నుంచి తమకు ప్రాణహాని ఉందని సిరిప్రియ అంటోంది.
న‌ట‌న త‌న పెళ్లికి అడ్డుగా మార‌డాన్ని ఇప్పుడు సిరిప్రియ ప్ర‌శ్నిస్తోంది. సినిమా ప‌రిశ్ర‌మ అన‌గానే అంతా చెడుగానే ఊహించుకుంటార‌ని, అంద‌రూ అలా ఉండ‌ర‌ని ఆమె చెబుతోంది. రొమాంటిక్ స‌న్నివేశాల్లో న‌టించినా తానెప్పుడూ హ‌ద్దులు దాట‌లేద‌ని ఆమె అంది. ప్రసన్న కుమార్ ఆమెతోనే నా జీవితం అంటున్నాడు. ఆమెని వ‌దులుకోన‌ని త‌ల్లిదండ్రుల‌కు చెప్పాన‌ని చెబుతున్నాడు.
రొమాంటిక్ స‌న్నివేశాల్లో న‌టిస్తే…వివాహానికి ప‌నికిరామా…అంటున్న సిరిప్రియ ప్ర‌శ్న‌కు ఎవ‌రూ సమాధానం చెప్ప‌లేని ప‌రిస్థితి. స‌మాజ‌మే స్త్రీల‌ను అలా చూసేందుకు, చూపించేందుకు సిద్ధ‌మ‌వుతూ ఉంటుంది…తిరిగి స‌మాజ‌మే…మీరు మాలో క‌ల‌వ‌లేరు అంటుంది…. ఇలా ఎందుకు జ‌రుగుతోంది…అని సిరిప్రియ ప్ర‌శ్నిస్తే…దీనికి ఎవ‌రు బాధ్యులో, ఎవ‌రు సమాధానం చెప్పాలో, అస‌లు సమాధానం ఉందో లేదో తెలియ‌ని స్థితి. ఇవ‌న్నీకాకుండా మ‌గ‌వాడి జీవితంలో వృత్తి, వ్య‌క్తిగ‌త జీవితాల మ‌ధ్య స్ప‌ష్టంగా ఉండే ఒక గీత, ఆడ‌వాళ్ల జీవితాల్లో ఉండ‌ద‌ని కూడా ఈ ఉదంతం మ‌రొక‌సారి రుజువు చేసింది.
Click on Image to Read:
