ఒప్పుకుంటే పెళ్లి...లేకపోతే హత్య...ఇదీ ప్రేమ!
ప్రేమిస్తున్నానంటూ ఆమె వెంట పడ్డాడు. పెళ్లి చేసుకోమని వేధించాడు. ఆమె ఒప్పుకోక పోయే సరికి హత్య చేయడానికి ప్రయత్నించాడు. విజయనగరంలోని గాజులరేగలో ఒక ప్రబుద్ధుని నిర్వాకం ఇది. ఆమె కన్నతల్లిదండ్రుల ముందే యువతి గొంతుకోశాడు. ఎస్ కోటకు చెందిన కూసుమంచి విక్రమ్ తన దగ్గర బంధువైన ఒక యువతిని ప్రేమిస్తున్నానంటూ వెంటపడ్డాడు. బంధువు కదా అని చనువుగా ఉండటమే ఆ యువతి పాలిట శాపంగా మారింది. యువతి డిగ్రీ మొదటి సంవత్సరం చదువుతుండగా, విక్రం ఎమ్బిఎ పూర్తి […]
ప్రేమిస్తున్నానంటూ ఆమె వెంట పడ్డాడు. పెళ్లి చేసుకోమని వేధించాడు. ఆమె ఒప్పుకోక పోయే సరికి హత్య చేయడానికి ప్రయత్నించాడు. విజయనగరంలోని గాజులరేగలో ఒక ప్రబుద్ధుని నిర్వాకం ఇది. ఆమె కన్నతల్లిదండ్రుల ముందే యువతి గొంతుకోశాడు. ఎస్ కోటకు చెందిన కూసుమంచి విక్రమ్ తన దగ్గర బంధువైన ఒక యువతిని ప్రేమిస్తున్నానంటూ వెంటపడ్డాడు. బంధువు కదా అని చనువుగా ఉండటమే ఆ యువతి పాలిట శాపంగా మారింది.
యువతి డిగ్రీ మొదటి సంవత్సరం చదువుతుండగా, విక్రం ఎమ్బిఎ పూర్తి చేసి ఊళ్లోనే ఉంటున్నాడు. దాంతో అతను తరచుగా ఆమెను కలిసేవాడు. ఈ క్రమంలో అతను యువతితో పెళ్లి సంబంధం ఖాయం చేసుకుని రమ్మని మేనత్తను, సోదరిని పదిరోజుల క్రితం గాజులరేగ పంపాడు. తమకు ఇష్టంలేదని యువతి తల్లిదండ్రులు చెప్పారు. దీంతో సోమవారం యువతి ఇంటికి వచ్చిన విక్రం ఆమె తల్లిదండ్రులతో వాదనకు దిగాడు. చివరికి యువతిని హత్యచేసేందుకు ప్రయత్నించాడు. ఆమె తల్లిదండ్రులు అడ్డుకునే లోపే యువతి మెడను కత్తితో కోశాడు. ఆమె గొంతు తెగటంతో వెంటనే 108 వాహనంలో విజయనగరం జిల్లా కేంద్ర ఆసుపత్రికి తరలించారు. నిందితుడు పరారీలో ఉన్నాడు. పోలీసులు కేసు నమోదు చేసుకుని అతనికోసం గాలిస్తున్నారు.