మోస‌గాడిని చెప్పుతో కొట్టి...వీడియోని షేర్ చేసిన తృప్తీ దేశాయి!
మ‌హిళ‌ల‌పై అత్యాచారాలు జ‌రుపుతూ ఆ వీడియోల‌ను సోష‌ల్‌మీడియాలో పెడుతున్న దారుణాల‌ను ఇప్ప‌టివ‌ర‌కు చూస్తున్నాం. మ‌హిళ‌ల‌కు అన్యాయం చేస్తున్న మోస‌గాళ్ల‌ను శిక్షిస్తూ ఆ వీడియోల‌ను కూడా సోష‌ల్‌మీడియాలో పెట్ట‌వ‌చ్చ‌ని మ‌హిళా హ‌క్కుల కార్య‌క‌ర్త తృప్తీ దేశాయి అంటున్నారు. ఆమె అలాగే చేశారు. మ‌హారాష్ట్ర, పుణె స‌మీపంలోని ఒక గ్రామంలో జ‌నం చూస్తుండ‌గా ఆమె ఒక వ్య‌క్తిని చ‌త‌క‌బాదారు. అంతేకాదు, దాన్ని వీడియో తీసి సామాజిక మాధ్య‌మంలో ఉంచారు. ఈ వీడియోని తృప్తియే షేర్ చేశారు. శ్రీకాంత్ లోంఢే అనే […]
మ‌హిళ‌ల‌పై అత్యాచారాలు జ‌రుపుతూ ఆ వీడియోల‌ను సోష‌ల్‌మీడియాలో పెడుతున్న దారుణాల‌ను ఇప్ప‌టివ‌ర‌కు చూస్తున్నాం. మ‌హిళ‌ల‌కు అన్యాయం చేస్తున్న మోస‌గాళ్ల‌ను శిక్షిస్తూ ఆ వీడియోల‌ను కూడా సోష‌ల్‌మీడియాలో పెట్ట‌వ‌చ్చ‌ని మ‌హిళా హ‌క్కుల కార్య‌క‌ర్త తృప్తీ దేశాయి అంటున్నారు. ఆమె అలాగే చేశారు. మ‌హారాష్ట్ర, పుణె స‌మీపంలోని ఒక గ్రామంలో జ‌నం చూస్తుండ‌గా ఆమె ఒక వ్య‌క్తిని చ‌త‌క‌బాదారు. అంతేకాదు, దాన్ని వీడియో తీసి సామాజిక మాధ్య‌మంలో ఉంచారు. ఈ వీడియోని తృప్తియే షేర్ చేశారు.
శ్రీకాంత్ లోంఢే అనే ఆ వ్య‌క్తి ఒక మోస‌గాడ‌ని, ఒక మ‌హిళ‌ను పెళ్లిచేసుకుంటాన‌ని చెప్పి, గ‌ర్భ‌వ‌తిని చేసి ఆమెను వ‌దిలించుకోవాల‌ని చూశాడ‌ని తృప్తి పేర్కొన్నారు. ఇంకా ఈ సంఘ‌ట‌న‌తాలూకూ వివ‌రాల్లోకి వెళితే…ఆ మ‌హిళ త‌న‌కు న్యాయం చేయ‌మ‌ని తృప్తి వ‌ద్ద‌కు వ‌చ్చింది. తృప్తి దేశాయి శ్రీకాంత్ తండ్రిని క‌లిసి వారిద్ద‌రికీ వివాహం జరిపించాల‌ని కోర‌గా అందుకు వారు తిర‌స్క‌రించారు. బాధితురాలు అబార్ష‌న్ చేయించుకోవాల్సిందిగా కోరారు. ఆమెకు డబ్బు ఇవ్వ‌జూపారు. ఇదంతా చూసి భ‌రించ‌లేక‌పోయిన తృప్తి, త‌న భూమాత బ్రిగేడ్‌కి చెందిన మ‌రొక స‌భ్యురాలితో క‌లిసి శ్రీకాంత్‌ని చెప్పుతో చిత‌క‌బాదారు.
సోష‌ల్ మీడియాలో ఆ వీడియో హ‌ల్‌చ‌ల్ చేస్తుండ‌గా, ఆమె చేసిన ప‌నిపై విస్తృతంగా చ‌ర్చ‌లు జ‌రుగుతున్నాయి. తృప్తి మాత్రం తాను స‌రైన ప‌నే చేశాన‌న్నారు. అత‌నికి గుణ‌పాఠం చెప్ప‌డానికే బ‌హిరంగంగా కొట్టాన‌న్నారు. అలా చేయ‌టం వ‌ల్ల‌నే పోలీసులు స్పందించి నిందితుడిపై కేసు న‌మోదు చేశార‌ని ఆమె చెప్పారు. అంతేకాదు, మ‌హిళ‌ల‌పై హింస ఏ రూపంలో క‌నిపించినా ఇలాగే స్పందిస్తాన‌ని, చ‌ట్టాన్ని త‌న చేతుల్లోకి తీసుకుంటాన‌ని ఆమె స్ప‌ష్టంగా పేర్కొన్నారు. మ‌హిళ‌ల ప్ర‌వేశాన్ని నిషేధించిన ఆల‌యాల‌కు వ్య‌తిరేకంగా తృప్తిదేశాయి (31) పోరాడుతున్న సంగ‌తి తెలిసిందే.
