ఐదు నుండి ప‌దేళ్ల కాలంలో....అర‌టి పండు అదృశ్య‌మైపోతుందా?
ప్ర‌పంచ వ్యాప్తంగా అయిదు ప్ర‌ధాన ఆహారాల్లో ఒక‌టిగా నిలిచిన అర‌టిపండు కొన్నేళ్ల‌లో క‌నిపించ‌కుండా పోతుందంటున్నారు శాస్త్ర‌వేత్త‌లు. అమెరికాలో ఉన్న కాలిఫోర్నియా యూనివ‌ర్శిటీకి చెందిన శాస్త్ర‌వేత్త‌లు ఈ విష‌యాన్ని వెల్ల‌డించారు. అర‌టి చెట్లు… ఐదు నుండి ప‌దేళ్ల లోపు కాలంలో ఫంగ‌ల్ వ్యాధుల కార‌ణంగా పూర్తిగా క‌నుమ‌రుగు కానున్నాయని వారు హెచ్చ‌రిస్తున్నారు. ఇప్పుడు ఉన్న మూడు తీవ్ర‌మైన ఫంగ‌ల్ వ్యాధుల్లో రెండు తీవ్ర‌త‌రం కానున్నాయని, ఇవి అర‌టి పండులో ర‌సాయ‌నిక మార్పులు తెచ్చి, వాటిలోని పోష‌కాలను నాశనం చేసే […]
ప్ర‌పంచ వ్యాప్తంగా అయిదు ప్ర‌ధాన ఆహారాల్లో ఒక‌టిగా నిలిచిన అర‌టిపండు కొన్నేళ్ల‌లో క‌నిపించ‌కుండా పోతుందంటున్నారు శాస్త్ర‌వేత్త‌లు. అమెరికాలో ఉన్న కాలిఫోర్నియా యూనివ‌ర్శిటీకి చెందిన శాస్త్ర‌వేత్త‌లు ఈ విష‌యాన్ని వెల్ల‌డించారు. అర‌టి చెట్లు… ఐదు నుండి ప‌దేళ్ల లోపు కాలంలో ఫంగ‌ల్ వ్యాధుల కార‌ణంగా పూర్తిగా క‌నుమ‌రుగు కానున్నాయని వారు హెచ్చ‌రిస్తున్నారు.
ఇప్పుడు ఉన్న మూడు తీవ్ర‌మైన ఫంగ‌ల్ వ్యాధుల్లో రెండు తీవ్ర‌త‌రం కానున్నాయని, ఇవి అర‌టి పండులో ర‌సాయ‌నిక మార్పులు తెచ్చి, వాటిలోని పోష‌కాలను నాశనం చేసే సామ‌ర్ధ్యాన్ని క‌లిగి ఉన్నాయ‌ని కాలిఫోర్నియా యూనివ‌ర్శిటీకి చెందిన ఓ శాస్త్ర‌వేత్త అన్నారు.
అర‌టిని నాశనం చేస్తున్న మూడు ఫంగ‌స్‌లు క‌లిసి సిగ‌టోకా కాంప్లెక్స్‌గా పిలుస్తున్నారు. దీని వ‌ల‌న చెట్టులోని రోగ‌నిరోధ‌క శ‌క్తి త‌గ్గిపోవ‌డ‌మే కాకుండా, ఫంగ‌స్‌లోని జీవ‌క్రియ‌ని చెట్టుకూడా సంత‌రించుకుంటుంద‌ని సైంటిస్టులు చెబుతున్నారు. దీంతో ఫంగ‌స్ స్ర‌వించే ఎంజైములు అర‌టి చెట్టు క‌ణాల గోడ‌ల‌ను నాశనం చేస్తాయ‌ని…ఫంగ‌స్ అర‌టిలోని తీపిని, ఇత‌ర కార్బోహైడ్రేట్ల‌ను తినేస్తుంద‌ని వారు వివ‌రిస్తున్నారు.
ఇప్ప‌టికే వీటి కార‌ణంగా అర‌టిప‌ళ్ల ప‌రిశ్ర‌మ 40 శాతం త‌గ్గిపోయింద‌ని, రానున్న ప‌దేళ్ల‌లో అర‌టి ప‌ళ్లు క‌నిపించ‌కుండా పోయే ప‌రిస్థితి ఉంద‌ని వారు హెచ్చ‌రిస్తున్నారు. అదే జ‌రిగితే 120 దేశాల్లో 100 మిలియ‌న్ ట‌న్నుల పంట నిలిచిపోయి ఎంతోమంది రైతులు, వ్యాపారులు జీవనాధారం కోల్పోతారు. ఇప్పుడు ఈ ఫంగ‌స్‌ల‌ను త‌ట్టుకుని వ్యాధుల‌కు ఎదురుతిరిగే అర‌టి ప‌ళ్ల‌ను, వ్యాధులు రాకుండా ఆపే ముందుజాగ్ర‌త్త విధానాల‌ను సైంటిస్టులు క‌నిపెట్టాల్సి ఉంది. లేక‌పోతే… ఎక్క‌డ‌బ‌డితే అక్క‌డ, ఎప్పుడు కావాలంటే అప్పుడు దొరికే, అంద‌రికీ న‌చ్చే అర‌టి పండు మాయ‌మై పోతుంద‌న్న‌మాట.
