నిద్రిస్తున్న కుటుంబంపై దొంగ‌ల దాడి...దోపిడి..హ‌త్య...సామూహిక అత్యాచారం!
ఉత్త‌ర ప్ర‌దేశ్ బులంద్ ష‌హ‌ర్ నేర ఘ‌ట‌న త‌ర‌హాలోనే హ‌ర్యానా, మేవాత్ జిల్లాలోని డింగ‌ర్‌హెరి గ్రామంలో మ‌రొక దారుణం చోటుచేసుకుంది. తెల్ల‌వారితే గురువార‌మ‌న‌గా అర్థ‌రాత్రి ఐదుగురు దుండ‌గులు మార‌ణాయుధాల‌తో ఓ ఇంటిపై దాడిచేశారు. ఇంట్లో, ఇంటి బ‌య‌టా ఆ కుటుంబం తాలూకూ స‌భ్యులు నిద్రపోతుండగా దాడిచేసిన దుండ‌గులు ఓ వివాహిత‌పై, ఓ మైన‌ర్ బాలిక‌పై సామూహిక అత్యాచారానికి పాల్ప‌డ్డారు. వారి దాడిలో ఓ భార్యాభర్త‌ల జంట మ‌ర‌ణించారు. అత్యాచారానికి గురయిన మ‌హిళ‌ను బాలిక‌ను దండ‌గులు ఓ గ‌దిలో […]
ఉత్త‌ర ప్ర‌దేశ్ బులంద్ ష‌హ‌ర్ నేర ఘ‌ట‌న త‌ర‌హాలోనే హ‌ర్యానా, మేవాత్ జిల్లాలోని డింగ‌ర్‌హెరి గ్రామంలో మ‌రొక దారుణం చోటుచేసుకుంది. తెల్ల‌వారితే గురువార‌మ‌న‌గా అర్థ‌రాత్రి ఐదుగురు దుండ‌గులు మార‌ణాయుధాల‌తో ఓ ఇంటిపై దాడిచేశారు. ఇంట్లో, ఇంటి బ‌య‌టా ఆ కుటుంబం తాలూకూ స‌భ్యులు నిద్రపోతుండగా దాడిచేసిన దుండ‌గులు ఓ వివాహిత‌పై, ఓ మైన‌ర్ బాలిక‌పై సామూహిక అత్యాచారానికి పాల్ప‌డ్డారు. వారి దాడిలో ఓ భార్యాభర్త‌ల జంట మ‌ర‌ణించారు. అత్యాచారానికి గురయిన మ‌హిళ‌ను బాలిక‌ను దండ‌గులు ఓ గ‌దిలో పెట్టి త‌లుపు వేయ‌గా …మ‌హిళ తప్పించుకుని బ‌య‌ట‌కు వ‌చ్చి జ‌రిగిన ఘోరాన్ని త‌మ బంధువుకి ఫోన్‌ద్వారా వెల్ల‌డించ‌డంతో పోలీసుల‌కు స‌మాచారం అందింది. ఆ మ‌హిళ చెబుతున్న వివ‌రాల ప్ర‌కారం–
ఆమె త‌న ముగ్గురు క‌జిన్స్‌తో ఇంటి లోప‌ల నిద్రపోతుండగా…మ‌రికొంతమంది కుటుంబ స‌భ్యులు బ‌య‌ట‌ప‌డుకున్నారు. అర్థ‌రాత్రి ఆమెకు బ‌య‌ట‌నుండి అరుపులు కేక‌లు వినిపించాయి. ఇంత‌లో న‌లుగురు లేదా అయిదుగురు దుండ‌గులు ఇంట్లోకి ప్ర‌వేశించారు. అక్క‌డ ఉన్న కుటుంబ స‌భ్యులు ఎదురుతిర‌గ‌టంతో వారంద‌రినీ ఇనుప‌రాడ్లు, క‌ర్ర‌ల‌తో కొట్టారు. తాళ్ల‌తో క‌ట్టేశారు. అనంత‌రం ఈ వివాహిత మ‌హిళ, ఆమె మైన‌ర్ క‌జిన్‌మీద గ్యాంప్‌రేప్‌కి పాల్ప‌డ్డారు. అనంత‌రం దొంగ‌లు ఇంట్లోని న‌గ‌దు, విలువైన వ‌స్తువుల‌ను దోచుకున్నారు. వారిలో ఒక‌రి వ‌ద్ద దేశ‌వాళీ తుపాకి కూడా ఉంద‌ని ఫిర్యాదు చేసిన మ‌హిళ పేర్కొంది.
దొంగ‌ల దాడిలో తీవ్రంగా గాయ‌ప‌డిన ఇబ్ర‌హీం, అత‌ని భార్య ర‌షిదాన్ ఆసుప‌త్రిలో చికిత్స పొందుతూ మృతి చెందారు. ఈ కుటుంబం ఐదేళ్ల క్రితం ఉత్త‌ర‌ప్ర‌దేశ్ నుండి వ‌చ్చి ఇక్క‌డ సెటిల్ అయిన‌ట్టుగా తెలుస్తోంది. పోలీసులు జ‌రిగిన దారుణాల‌పై వివిధ సెక్ష‌న్ల కింద కేసులు న‌మోదు చేశారు. దొంగ‌ల ముఠాకోసం గాలింపు చ‌ర్య‌లు చేప‌ట్టామ‌ని, ఇంత‌వ‌ర‌కు ఎవ‌రినీ అరెస్టు చేయ‌లేద‌ని వారు తెలిపారు.
