యోగా మెడిటేషన్ సెంట‌ర్‌కి ...ఇరోమ్ ష‌ర్మిల!
మ‌ణిపూర్ ఉక్కుమ‌హిళ ఇరోమ్ ష‌ర్మిల ఇప్ప‌టివ‌ర‌కు హాస్ప‌ట‌ల్‌లోనే ఉంటున్న సంగ‌తి తెలిసిందే. ఆమె శుక్ర‌వారం ఇంఫాల్‌లోని లాంగోల్ అనే గ్రామంలో ఉన్న ఒక యోగా మెడిటేషన్ కేంద్రానికి వెళుతున్నారు. అది ఆసుప‌త్రి కాద‌ని, ప్ర‌కృతి చికిత్సాలయం అని హిందూ ఆంగ్ల‌ప‌త్రిక‌కు ఇచ్చిన ఈ–మెయిల్ ఇంట‌ర్వ్యూలో ష‌ర్మిల తెలిపారు. అక్క‌డ ఉంటున్న‌వారంతా ప్ర‌కృతి చికిత్సాలయం నియ‌మ నిబంధ‌న‌ల మేర‌కు న‌డుచుకోవాల్సి ఉంటుంద‌ని అయితే తాను మాత్రం స్వ‌తంత్రంగా త‌న ప‌ద్ధ‌తుల ప్ర‌కారమే ఉండే వీలుంద‌ని ఆమె పేర్కొన్నారు. మొట్ట‌మొదటి […]
మ‌ణిపూర్ ఉక్కుమ‌హిళ ఇరోమ్ ష‌ర్మిల ఇప్ప‌టివ‌ర‌కు హాస్ప‌ట‌ల్‌లోనే ఉంటున్న సంగ‌తి తెలిసిందే. ఆమె శుక్ర‌వారం ఇంఫాల్‌లోని లాంగోల్ అనే గ్రామంలో ఉన్న ఒక యోగా మెడిటేషన్ కేంద్రానికి వెళుతున్నారు. అది ఆసుప‌త్రి కాద‌ని, ప్ర‌కృతి చికిత్సాలయం అని హిందూ ఆంగ్ల‌ప‌త్రిక‌కు ఇచ్చిన ఈ–మెయిల్ ఇంట‌ర్వ్యూలో ష‌ర్మిల తెలిపారు. అక్క‌డ ఉంటున్న‌వారంతా ప్ర‌కృతి చికిత్సాలయం నియ‌మ నిబంధ‌న‌ల మేర‌కు న‌డుచుకోవాల్సి ఉంటుంద‌ని అయితే తాను మాత్రం స్వ‌తంత్రంగా త‌న ప‌ద్ధ‌తుల ప్ర‌కారమే ఉండే వీలుంద‌ని ఆమె పేర్కొన్నారు. మొట్ట‌మొదటి సారి స్వేచ్ఛా జీవిగా కాలు బ‌య‌ట‌కు పెడుతున్నాన‌ని అన్నారు. త‌న‌కు వ‌స‌తి క‌ల్పించే విష‌యంలో ఇంఫాల్ వాసులు వెన‌క‌డుగు వేస్తున్నార‌నే వాద‌న‌ల‌ను ఆమె ఆమోదించ‌లేదు. ఎంతోమంది త‌న‌కు ఆశ్రయం ఇవ్వ‌డానికి ముందుకు వ‌చ్చార‌ని…కానీ తానే అంగీక‌రించ‌లేద‌న్నారు.
ఇత‌ర జిల్లాల్లో ప‌ర్య‌టించి జ‌నంతో మాట్లాడాల‌ని అనుకుంటున్న‌ట్టుగా ష‌ర్మిల పేర్కొన్నారు. ఆ త‌రువాతే సాయుధ దళాల ప్రత్యేక అధికారాల చట్టం(ఎఎఫ్‌ఎస్‌పీఏ) రద్దు కోసం పోరాడుతున్న త‌న తోటి వారిని క‌ల‌వాల‌ని అనుకుంటున్న‌ట్టుగా చెప్పారు. ఆసుప‌త్రిలో ఉండ‌గా ఎంతోమంది యువ‌తీయువ‌కులు వ‌చ్చి త‌న‌ని క‌లిశార‌ని, వారినుండి ఎన్నో విష‌యాలు తెలుసుకున్నాన‌ని, వారి మ‌ద్ధ‌తుతో త‌న ఆశయం మ‌రింత బ‌ల‌ప‌డిందంటూ , ఆ రోజులు తాను ఎంతో బిజీగా గ‌డిపిన రోజులని ఆమె అన్నారు.
తాను శాకాహారిన‌ని, పాలుకూడా తాగ‌న‌ని, ప‌ళ్లు కూర‌గాయ‌లు తీసుకుంటున్నాన‌ని చెప్పారు. త‌న మ‌ద్ధ‌తుదారులు వంతుల‌వారీగా త‌న‌కు ఇంట్లో త‌యారుచేసిన ఆహారాన్ని, ప‌ళ్లను పంపుతున్నార‌ని, ఓట్స్‌, కార్న్‌ఫ్లాక్స్ కూడా తింటున్నాన‌ని అన్నారు. మీ బాయ్ ఫ్రెండ్ దేశ్‌మాండ్ కౌంటిన్హో తో మా‌ట్లాడారా…అని అడ‌గ్గా…గ‌త‌నెల 18న ఆయ‌న లేఖ రాశార‌ని, తాను ఈనెల ప‌దోతేదీన దాన్ని అందుకున్నాన‌ని చెప్పారు.
