లీకులపై అక్షర షాకింగ్ రియాక్షన్

రీసెంట్ గా అక్షర హాసన్ కు చెందిన బికినీ ఫొటోలు వెబ్ లో వైరల్ అయిన విషయం తెలిసిందే. తన బెడ్ రూమ్ లో అక్షర సెల్ఫీలు తీసుకున్నట్టు ఆ ఫొటోలు ఉన్నాయి. అయితే అవి తన సెల్ఫీలు కావంటోంది అక్షర. ఓ సినిమా ఫొటోషూట్ కోసం అలా పోజులిచ్చానని చెబుతోంది. పైగా ఆ ఫొటోల్లో తప్పేముందని ప్రశ్నిస్తోంది. ఈ రోజుల్లో హీరోయిన్లంతా బికినీలు వేసుకొని అలానే ఫొటోలు దిగుతున్నారని, అందులో తప్పేముందని ప్రశ్నిస్తోంది.

అయితే ఒక విషయంలో మాత్రం ఆగ్రహం వ్యక్తంచేస్తోంది అక్షర. తన అనుమతి లేకుండా, ఆ ఫొటో షూట్ స్టిల్స్ ను లీక్ చేయడం తప్పంటోంది. ఆ యాంగిల్ లో త్వరలోనే సదరు నిర్మాతలపై కేసు పెడతానని ప్రకటించింది. అంటే, అవి లీక్ చేసింది ఎవరో అక్షర హాసన్ కు తెలుసన్నమాట.