కీర్తిసురేష్ మరో సినిమా ఒప్పుకుంది

నరేంద్రను దర్శకుడిగా పరిచయం చేస్తూ ఈస్ట్-కోస్ట్ ప్రొడక్షన్స్ బ్యానర్ పై ఓ సినిమా నిర్మించబోతున్నాడు నిర్మాత మహేష్ కోనేరు. ఈ సినిమాలో కీర్తిసురేష్ ను లీడ్ రోల్ కింద తీసుకున్నారు. ఇది పూర్తిగా మహిళా ప్రాధాన్యంగా సాగే సినిమా. తప్పకుండా మహిళా లోకానికి నచ్చుతుందంటున్నాడు నిర్మాత

అన్నపూర్ణ స్టుడియోస్ లో ఈరోజు జరిగిన ఈ ప్రారంభోత్సవానికి కల్యాణ్ రామ్ ముఖ్యఅతిథిగా హాజరయ్యాడు. కీర్తిసురేష్ పై క్లాప్ కొట్టి సినిమాను ప్రారంభించాడు. వచ్చే నెల నుంచి ఈ సినిమా రెగ్యులర్ షూటింగ్ మొదలవుతుంది. కథ ప్రకారం.. 25శాతం షూటింగ్ ఇండియాలో చేస్తే, మిగతా 75 శాతం షూటింగ్ ను అమెరికాలో చేయబోతున్నారు. ఈ మేరకు తన తమిళ సినిమా డేట్స్ అన్నింటినీ సర్దుబాటు చేసింది కీర్తిసురేష్.