కథ రెడీ అయ్యింది కానీ డైరెక్టర్ లేడు

అక్కినేని నాగ చైతన్యకి ఒక గట్టి హిట్ పడి చాలా కాలం అయ్యింది. గత ఏడాది చైతు నటించిన “శైలజా రెడ్డి అల్లుడు” “సవ్యసాచి” సినిమాలు బాక్స్ ఆఫీస్ వద్ద ఘోరంగా ఫ్లాప్ అయ్యాయి.

ఆ సినిమాల తరువాత ప్రస్తుతం చైతు “మజిలి” అనే సినిమాలో నటిస్తున్నాడు. శివ నిర్వాన డైరెక్ట్ చేస్తున్న ఈ సినిమాలో అక్కినేని సమంతా హీరోయిన్ గా నటిస్తుంది. ఈ సినిమా ఏప్రిల్ 5 న గ్రాండ్ గా రిలీజ్ కాబోతుంది.

ఇక ఈ సినిమాతో పాటు వెంకటేష్ తో కలిసి నటిస్తున్న “వెంకీ మామ” షూటింగ్ ఇటీవలే స్టార్ట్ అయ్యింది. ఈ రెండు సినిమాల తరువాత చైతు విజయేంద్ర ప్రసాద్ రాసిన ఒక కథలో నటించనున్నాడట. ఈ కథ అక్కినేని నాగేశ్వర్ రావు నటించిన “దేవదాస్” సినిమాని పోలి ఉంటుందట.

“దేవదాస్” నుంచి కొన్ని లైన్స్ ని తీసుకొని ఈ కథని రెడీ చేసాడట విజయేంద్ర ప్రసాద్. కథ అయితే రెడీ అయ్యింది కానీ ఈ సినిమా కోసం కరెక్ట్ డైరెక్టర్ మాత్రం దొరకట్లేదట. ప్రస్తుతానికి అయితే చైతు, విజయేంద్ర ప్రసాద్ ఈ కథ కోసం డైరెక్టర్ ని వెతికే పనిలో ఉన్నారు.