ధనియాలు…. పోపుల పెట్టెలో దివ్యౌషధం….

వంటింటి పోపుల పెట్టెలో మనకు దొరికే మరో దివ్యౌషధం ధనియాలు. ఇవి మంచి సువాసనను కూడా ఇస్తాయి. వీటిని నేరుగా తినకపోయినా ఆహారంలో విరివిగా వాడతారు. అయితే వీటి వల్ల ప్రయోజనాలు కూడా తెలుసుకుందాం.

  • ధనియాలు త్రిదోషాలను హరిస్తాయి. పొట్టలోని వాతాన్ని తలకి ఎక్కకుండా కాపాడతాయి.
  • పైత్యం, వికారం, ఎక్కిళ్లు, అతివేడిని అణుస్తాయి. వీటి కషాయం అన్ని రకాల దోషాలను హరిస్తుందన్నది అక్షర సత్యం.
  • కడుపులో ఉన్న క్రిములను నశింప చేసి వ్యర్దాల ద్వారా బయటకి పంపడానికి ధనియాలు దోహదపడతాయి.
  • ధనియాల కషాయం తాగితే నిద్రలేమి సమస్య నుంచి బయటపడవచ్చు.
  • ధనియాల కషాయం ఆకలిని పుట్టిస్తుంది. జ్వరం తర్వాత వచ్చే అరుచిని తగ్గించి నాలుకకు రుచిని తెప్పిస్తుంది.
  • చంటి పిల్లలకు త్వరగా జీర్ణం కావాలంటే ధనియాలను పొడిగా వేయించి, దానికి కొద్దిగా ఉప్పు కలిపి మెత్తగా పొడిచేసి వేడి వేడి అన్నంలో కొద్దిగా నెయ్యి వేసి మొదటి ముద్దలో పెడితే వారికి త్వరగా జీర్ణం అవుతుంది.
  • పెద్దపిల్లలకైతే రెండు లేదా మూడు ఎండు మిరపకాయాలను చేర్చవచ్చు.
  • ధనియాల కషాయం నీళ్ల విరోచనాలను అరికడుతుంది.
  • ధనియాల చారు లేదా కషాయం శరీరాన్ని తేలిక పరచి మంచి ఉల్లాసాన్ని ఇస్తుంది.
  • ధనియాలు అజీర్ణ సమస్యలను తొలగించడంతో పాటు గ్యాస్ట్రిక్ ట్రబుల్స్ నుంచి కాపాడుతుంది.
  • శరీరంలో కొవ్వును నియత్రించడంలో ధనియాలు ప్రధాన పాత్ర పోషిస్తాయి.
  • ధనియాలను కొన్ని దేశాలలో యాంటీ డయాబెటిక్ ప్లాంట్ అని పిలుస్తారు. రక్తంలో ఉన్న గ్లూకోజ్ లెవెల్స్ ను అదుపు చేస్తుంది.
  • క్రమం తప్పకుండా ధనియాల కషాయాన్ని ఉదయానే తాగితే కొన్ని రోజులకు మీ శరీరంలో కొవ్వు పూర్తిగా కరిగిపోతుంది.
  • కొవ్వు కరిగిపోవడం వల్ల హర్ట్ ప్రోబ్లమ్స్ వచ్చేందుకు అవకాశాలు చాలా తక్కువగా ఉంటాయి.
  • ధనియాలు శరీరంలో బ్యాక్టీరియా, ఫంగస్ లేదా ఇతర హానికర క్రిములతో పోరాడుతాయి.
  • అంటువ్యాధులు అంటే చికెన్ ఫాక్స్ వంటివాటిని విస్తరించకుండా కాపాడతాయి.
  • ధనియాలు, పసుపు పేస్ట్ ఎటువంటి చర్మసమస్యకైనా దివ్యౌషధం.
  • రుతు సమస్యలకు లేదా ఆ సమస్యలో వచ్చే నొప్పిని ధనియాల కషాయం ద్వారా నియంత్రించవచ్చు.