అటుకులు... ఆరోగ్యానికి కిటుకులు...

అటుకులతో చిటికెలో ఎటువంటి వంటకాన్ని అయినా చేసుకోవచ్చు. అంటే ఫాస్ట్‌ ఫుడ్ అన్న మాట. నిజానికి అటుకులు వల్ల ఆరోగ్యం ఎంతో మెరుగుపడుతుందని వైద్య నిపుణులు చెబుతున్నారు. ఈ అటుకులు ఎటువంటి ఆరోగ్య ప్రయోజనాలు కలుగుజేస్తాయో చూద్దాం.

• అటుకులు డైటింగ్ చేస్తున్న వారికి దివ్యౌషధం. అటుకులలో ఫైబర్ అధికంగా ఉండడం వల్ల తొందరగా జీర్ణం అవుతుంది.
• వీటిలో ఐరన్ కంటెంట్ కూడా ఎక్కువే. అందుచేత రక్తహీనతకు చెక్ పెడుతుంది. అటుకులు బరువు తగ్గడానికి ఎంతో ఉపకరిస్తాయి.
• వీటిలో ఉన్న కార్బొహైడ్రెట్ నిలవలు శరీరానికి తక్షణ శక్తిని ఇస్తాయి.
• వైద్య గణంకాల ప్రకారం అటుకులలో 75 నుంచి 80 శాతం వరకూ కార్బొహైడ్రెట్స్ ఉంటాయి. అలాగే 20 నుంచి 23 శాతం ఐరన్ ఉంటుంది.
• అటుకులు తింటే షుగర్ వ్యాధి వస్తుందన్న అపోహ చాలా మందిలో ఉంది. అయితే ఇది ఎంతమాత్రం నిజం కాదని అంటున్నారు వైద్యలు.
• అటుకులలో ఉన్న యాంటీ ఆక్సీడెంట్స్ ఎన్నో వ్యాధులను అరికడతాయి.
• అటుకులలో లాక్టోజ్, కొవ్వు అస్సలు ఉండవు. అందువల్ల గుండెకు సంబంధించిన వ్యాధులు వస్తాయన్న భయంలేదు.
• అటుకులలో ఉన్న క్యాల్షియం శరీరంలోని ఎముకలకు, కండరాలకు ఎంతో మేలు చేస్తుంది.
• అటుకులలో బెల్లం వేసుకుని తింటే శరీరానికి మంచి రక్తం పడుతుంది.
• అటుకులలో పాలు పోసుకుని వివిధ పళ్లు కలుపుకుని తింటే పిల్లలు మంచి పుష్టిగా తయారవుతారు.
• పాలిచ్చే తల్లులకు అటుకులు మంచి బలమైన ఆహారం.