బిగ్ బాస్ లో కనిపించనున్న ప్రముఖ యాంకర్?

ఇప్పటికే తెలుగు రియాలిటీ షో బిగ్ బాస్ రెండు సీజన్లు విజయవంతంగా పూర్తి చేసుకుంది. తాజాగా బిగ్ బాస్ మూడవ సీజన్ కోసం ప్రేక్షకులు అందరూ ఆసక్తిగా ఎదురు చూస్తున్న సంగతి తెలిసిందే.

ఈ నేపథ్యంలో బిగ్ బాస్ సీజన్-3 గురించిన బోలెడు పుకార్లు బయటకు వస్తున్నాయి. ఒక ప్రముఖ యాంకర్ బిగ్ బాస్ సీజన్-3 కి రాబోతోందని సమాచారం అందుతోంది. ఆమె ఎవరో కాదు లాస్య మంజునాథ్. పెళ్లి తరువాత బుల్లి తెరకు దూరంగా ఉంటున్న ఈమె ‘లాస్య టాక్స్’ అనే యూట్యూబ్ ఛానల్ ద్వారా ప్రేక్షకులతో కాంటాక్ట్ లోనే ఉంది.

ఈ మధ్యనే ఒక బిడ్డ కు జన్మనిచ్చిన ఈమె బిగ్ బాస్ షోలో పాల్గొనబోతోంది అంటూ పుకార్లు బయటకు వస్తున్నాయి. అయితే దీనికి సంబంధించిన అధికారిక ప్రకటన మాత్రం ఇంకా వెలువడాల్సి ఉంది.

నాగార్జున బిగ్ బాస్ -3 కి హోస్ట్ గా వ్యవహరించనున్నారని తెలుస్తోంది. ఈ మధ్యనే బిగ్ బాస్ సీజన్-3 కి సంబంధించిన ప్రోమో కూడా విడుదలై ప్రేక్షకుల నుంచి మంచి రెస్పాన్స్ అందుకుంది. జులై లో ప్రారంభం కానున్న బిగ్ బాస్-3 కాంటెస్టంట్స్ గురించి సమాచారం ఇంకా తెలియాల్సి ఉంది.