అల్లు అర్జున్ కి, కో-డైరెక్టర్ కి... గొడవ?

టాలీవుడ్ లో ఇప్పుడు వినిపిస్తున్న వార్త ఇది…. స్టైలిష్ స్టార్ అల్లు అర్జున్ కి ప్రస్తుతం త్రివిక్రమ్ తో తీస్తున్న సినిమా కో-డైరెక్టర్ కి మధ్య చిన్నపాటి వాగ్వాదం జరిగిందని తెలుస్తోంది. అయితే షూటింగ్ జరుగుతున్న సమయం లో ఇలా జరగడం వలన అది మరింత పెద్దది అయిందని ప్రచారం సాగుతోంది.

త్రివిక్రమ్ శ్రీనివాస్ తో పాటు ఈ సినిమా కి ఇండస్ట్రీ లో సీనియర్ కో-డైరెక్టర్ ఒకరు పని చేస్తున్నాడని టాక్. అయితే షూటింగ్ జరిగే సమయం లో ఏం జరిగిందో ఏమో తెలియదు కానీ ఇద్దరి మధ్య చిన్న గొడవ జరిగినదని, ఈ ఇష్యూ జరగడం వల్లనే షూటింగ్ కూడా ఆగిపోయిందని అంటున్నారు.

అయితే ఈ గొడవ షూటింగ్ స్పాట్ లో అందరి మధ్య జరగడంతో, అల్లు అర్జున్ క్షమాపణ చెప్పాలంటూ కో-డైరెక్టర్ అసోసియేషన్ లో కంప్లైంట్ చేశాడట. అయితే ఈ గొడవ పెద్దది కాక ముందే త్రివిక్రమ్ మరియు సినిమా నిర్మాత కో డైరెక్టర్ ని సముదాయించే ప్రయత్నం చేస్తున్నారట.

అంతే కాకుండా అల్లు అర్జున్ ఇగో కూడా హర్ట్ అవ్వకుండా ఇష్యూ సాల్వ్ చేయాలనే భావన లో ఉందట సినిమా యూనిట్.