టీ-20 చరిత్రలో నేడు 1000వ మ్యాచ్

• కోట్లా… ఆటలో భారత్ కు బంగ్లాదేశ్ సవాల్

టీ-20 ఫార్మాట్లో 5వ ర్యాంకర్ భారత్, 9వ ర్యాంకర్ బంగ్లాదేశ్ జట్ల మధ్య ఈరోజు న్యూఢిల్లీ వేదికగా జరిగే తొలి టీ-20మ్యాచ్…ప్రారంభానికి ముందే పలువిధాలుగా రికార్డుల్లో చేరింది.

ధూమ్ ధామ్ టీ-20 చరిత్రలో 1000వ మ్యాచ్ గా నమోదుకానుంది. అంతేకాదు…వాయుకాలుష్య వాతావరణంలో జరుగుతున్న తొలి టీ-20 మ్యాచ్ గా కూడా చరిత్రలో నిలిచిపోనుంది.

టీ-20 ఫార్మాట్లో ఇప్పటి వరకూ భారత్ తో ఎనిమిదిసార్లు మాత్రమే తలపడిన బంగ్లాదేశ్…ఎనిమిదికి ఎనిమిదిసార్లూ పరాజయాలు పొందటం విశేషం.

ముంబై యువఆల్ రౌండర్ శివం దూబే..టీ-20 ల్లో భారత జట్టు సభ్యుడుగా అరంగేట్రం చేయడం కూడా ఖాయంగా కనిపిస్తోంది.

న్యూఢిల్లీ ఫిరోజ్ షా కోట్లా స్టేడియాన్ని …కేంద్ర మాజీమంత్రి అరుణ్ జైట్లీ స్టేడియంగా మార్చిన తరువాత జరుగుతున్న మొట్టమొదటి అంతర్జాతీయ క్రికెట్ మ్యాచ్ ఇదే కావటం మరో విశేషం.