ఓటీటీలోకి వీళ్లు కూడా

త్రివిక్రమ్, కొరటాల, రాజమౌళి లాంటి పెద్ద దర్శకుల్ని మినహాయిస్తే… దాదాపు మిగతా దర్శకులంతా ఇప్పుడు ఓటీటీ వైపు చూస్తున్నారు. మారుతున్న పరిస్థితుల నేపథ్యంలో.. సేఫ్ సైడ్ లో ఓటీటీ అవకాశాలు కూడా ఉంచుకుంటే మంచిదని భావిస్తున్నారు. ఈ దిశగా ఇప్పటికే సంకల్ప్ రెడ్డి లాంటి దర్శకులు ఓటీటీ బాట పట్టగా.. తాజాగా మరో ఇద్దరు దర్శకులు ఈ రంగంలోకి అడుగు పెడుతున్నారు.

వీరిలో ఒకరు శివ నిర్వాణ కాగా..మరొకరు అజయ్ భూపతి. వీళ్లిద్దరితో నెట్ ఫ్లిక్స్ సంస్థ ఒప్పందం కుదుర్చుకుంది. ఇద్దరూ కలిసి ఒకటే ప్రాజెక్టు చేస్తారు. కాకపోతే వేర్వేరు ఎపిసోడ్స్ హ్యాండిల్ చేస్తారు. రొమాంటిక్ లవ్ ఎలిమెంట్స్ తో 5 భాగాలుగా రాబోతున్న ఈ వెబ్ సిరీస్ లో తొలి రెండు భాగాల్ని వీళ్లిద్దరూ డైరక్ట్ చేయబోతున్నారు.

ప్రేమకథలకు పాపులర్ అయ్యాడు శివ నిర్వాణ. అటు అజయ్ భూపతి కూడా ఆర్ఎక్స్100తో తనమార్క్ లవ్ స్టోరీ చూపించాడు. అందుకే వీళ్లిద్దరికీ ఆఫర్ ఇచ్చింది నెట్ ఫ్లిక్స్.