ఊహించిందే జరిగింది .. సాగర్ ఉప ఎన్నిక తర్వాతే పీసీసీ..!
అంతా ఊహించినట్టుగానే పీసీసీ అధ్యక్షుడి నియామకాన్ని కాంగ్రెస్ పార్టీ వాయిదా వేసింది. ఈ మేరకు కాంగ్రెస్ వ్యవహారాల ఇంచార్జి మాణిక్యం ఠాగూర్ గురువారం అధికారికంగా ప్రకటించారు. సాగర్ ఉప ఎన్నికల వరకు పీసీసీ అధ్యక్షుడిగా ఉత్తమ్ కుమార్రెడ్డే ఉంటారని ఆయన స్పష్టం చేశారు. జానారెడ్డి అభ్యర్థన మేరకు పీసీసీ ప్రకటనను వాయిదా వేసినట్టు సమాచారం. ఇటీవల తెలంగాణ రాజకీయాల్లో కాంగ్రెస్ పీసీసీ అధ్యక్ష పదవి ఎవరికిస్తారన్న అంశం హాట్టాఫిక్గా మారింది. రాజకీయాలు మొత్తం ఈ అంశం చుట్టూ […]
అంతా ఊహించినట్టుగానే పీసీసీ అధ్యక్షుడి నియామకాన్ని కాంగ్రెస్ పార్టీ వాయిదా వేసింది. ఈ మేరకు కాంగ్రెస్ వ్యవహారాల ఇంచార్జి మాణిక్యం ఠాగూర్ గురువారం అధికారికంగా ప్రకటించారు. సాగర్ ఉప ఎన్నికల వరకు పీసీసీ అధ్యక్షుడిగా ఉత్తమ్ కుమార్రెడ్డే ఉంటారని ఆయన స్పష్టం చేశారు. జానారెడ్డి అభ్యర్థన మేరకు పీసీసీ ప్రకటనను వాయిదా వేసినట్టు సమాచారం.
ఇటీవల తెలంగాణ రాజకీయాల్లో కాంగ్రెస్ పీసీసీ అధ్యక్ష పదవి ఎవరికిస్తారన్న అంశం హాట్టాఫిక్గా మారింది. రాజకీయాలు మొత్తం ఈ అంశం చుట్టూ తిరిగాయి. కొంతకాలంపాటూ రేవంత్రెడ్డి, కోమటిరెడ్డి వెంకట్రెడ్డి పేర్లు బలంగా వినిపించాయి. ఆ తర్వాత అనూహ్యంగా జీవన్రెడ్డి పేరు తెరమీదకు వచ్చింది.
రేవంత్రెడ్డికి ప్రచారకమిటీ చైర్మన్ బాధ్యతలు అప్పజెప్పబోతున్నారని వార్తలు వచ్చాయి. తాను ప్రచారకమిటీ బాధ్యతలు తీసుకోవడానికి ఇష్టపడతానని అంతకు ముందు రోజు ఓ మీడియా చానల్కు ఇచ్చిన ఇంటర్వ్యూలో రేవంత్ చెప్పారు. ఆ తర్వాత రోజే ఇటువంటి ఊహాగానాలు రావడం గమనార్హం. మరోవైపు పీసీసీ అధ్యక్షపదవి.. ప్రచారకమిటీ చైర్మన్ పదవి.. వర్కింగ్ ప్రెసిడెంట్ ఇలా కీలకపదవులన్నీ రెడ్లకు ఇస్తే ఎలా అంటూ కొందరు బీసీ నేతలు అసంతృప్తి వ్యక్తం చేశారు కూడా.
మరోవైపు సాగర్ ఉప ఎన్నిక జరిగే వరకు పీసీసీ ప్రకటన వాయిదా వేయాలని.. లేదంటే ఆ ప్రభావం ఎన్నికల మీద పడుతుందని జానారెడ్డి అధిష్ఠానానికి చెప్పినట్టు సమాచారం. సాగర్ ఉప ఎన్నిక వరకు పీసీసీ అధ్యక్ష ప్రకటన వాయిదా వేయబోతున్నారంటూ .. ఇప్పటికే వార్తలు వచ్చాయి. తాజాగా ఠాగూర్ అధికారికంగా ప్రకటించారు.
ఈ సందర్భంగా ఆయన మీడియాతో మాట్లాడుతూ.. ‘సాగర్ ఉప ఎన్నిక అనంతరం పీసీసీ అధ్యక్షుడిని ప్రకటిస్తాం. అప్పటివరకు ఉత్తమ్ కుమార్రెడ్డి బాధ్యతలు నిర్వహిస్తారు. అయితే ఇది మా అసమర్థత కాదు. కాంగ్రెస్ పార్టీ ఎంతో ప్రజాస్వామ్యయుతంగా సంప్రదింపులు జరుపుతోంది. కాంగ్రెస్ పార్టీ జేపీ నడ్డా లాంటి డమ్మీ క్యాండెట్లను అధ్యక్షుడిగా నియమించదు. సమర్థుడికే పదవి అప్పజెపుతుంది’ అని ఆయన పేర్కొన్నారు.
మరోవైపు సాగర్ కాంగ్రెస్ అభ్యర్థి ఖరారు అయినట్టు సమాచారం. జానారెడ్డికి మరోసారి అవకాశం ఇచ్చారట. అయితే జానారెడ్డి కుమారుడు రఘువీర్రెడ్డి బరిలో ఉంటారని తొలుత భావించారు. కానీ ఆ తర్వాత మళ్లీ జానారెడ్డికే అవకాశం ఇవ్వాలని హై కమాండ్ నిర్ణయం తీసుకున్నదట. ఇందుకు సంబంధించిన అధికారిక ప్రకటన త్వరలోనే విడుదల కానుంది.
