అటుఇటు తిరిగి అదే టైటిల్

టాలీవుడ్‌లో తనదైన ముద్ర వేసిన యంగ్ అండ్ హ్యాపెనింగ్ హీరో విజయ్ దేవరకొండ, ఇటీవ‌లే ఇస్మార్ట్
శంక‌ర్‌తో బ్లాక్‌బ‌స్ట‌ర్ సాధించిన డైనమిక్ డైరెక్టర్ పూరి జగన్నాధ్ ప్రతిష్టాత్మక ప్యాన్ ఇండియా ప్రాజెక్ట్‌
`లైగ‌ర్`‌తో బాలీవుడ్‌లోకి అడుగుపెడుతున్నారు. ఈ రోజు `లైగ‌ర్` మూవీ టైటిల్‌, ఫ‌స్ట్‌లుక్‌పోస్ట‌ర్‌ను
అధికారికంగా విడుద‌ల‌చేశారు మేక‌ర్స్‌.

పూరి కనెక్ట్స్‌తో కలిసి, బాలీవుడ్ ప్రముఖ ప్రొడక్షన్ హౌస్ ధర్మ ప్రొడక్షన్స్ సంయుక్తంగా నిర్మిస్తున్న
సినిమా ఇది. విజయ్‌దేవ‌ర‌కొండ స‌ర‌స‌న బాలీవుడ్ హీరోయిన్ అన‌న్యా పాండే న‌టిస్తోంది.

`లైగర్ `టైటిల్‌తో పాటు `సాలా క్రాస్‌బ్రీడ్` అనే ట్యాగ్‌లైన్‌తో ఉన్నఫ‌స్ట్‌లుక్ పోస్ట‌ర్‌లో విజ‌య్‌దేవ‌ర‌కొండ
పొడవాటి జుట్టు, చేతికి గ్లౌవ్స్‌తో మార్ష‌ల్ ఆర్టిస్ట్‌లా క‌నిపిస్తున్నారు. బ్యాక్‌గ్రౌండ్‌లో సింహం మరియు పులి
యొక్క మిశ్రమ రూపం ఉంది. టైగర్ మరియు లయన్ కలయిక వలన పుట్టే కొత్త బ్రీడ్ `లైగర్`.

తన హీరోలను పూర్తిగా భిన్నమైన అవతారాలలో చూపించే పూరి జగన్నాధ్ విజయ్ దేవరకొండను
ఇంత‌వ‌ర‌కూ చూడ‌ని డిఫ‌రెంట్ లుక్‌తో ఈ సినిమాలో చూపించారు. ఫస్ట్ లుక్ పోస్టర్‌లో విజయ్ తన
ఇంటెన్స్ లుక్‌, పొడ‌వాటి జుట్టుతో ఆక‌ట్టుకున్నాడు. హిందీ, తెలుగు, తమిళ, కన్నడ మరియు మలయాళ
భాషలలో రూపొందుతున్న ఈ చిత్రంలో రమ్యకృష్ణ ఒక కీల‌క‌ పాత్ర పోషిస్తున్నారు.