ఈత తెచ్చిన చిక్కులు.. రాహుల్పై కేరళ సీఎం సెటైర్లు..!
కాంగ్రెస్ నేత రాహుల్ గాంధీ ఇటీవల కేరళలో పర్యటించిన విషయం తెలిసిందే. ఈ సందర్భంగా ఆయన మత్స్యకారులతో కలిసి చేపలు పట్టారు. సముద్రంలో సరదాగా ఈత కూడా కొట్టారు. అయితే ఇందుకు సంబంధించిన ఫొటోలు సోషల్ మీడియాలో వైరల్ అయ్యాయి. కాగా కేరళలో మరికొద్ది రోజుల్లో ఎన్నికలు జరుగనున్నాయి. ఈ నేపథ్యంలో రాహుల్ మత్స్యకారులను మచ్చిక చేసుకొనేందుకు సముద్రంలో ఈత కొట్టడం, చేపలు పట్టడం వంటి పనులు చేస్తున్నారని కొందరు విమర్శించారు. కాగా కేరళ సీఎం పినరయి […]
కాంగ్రెస్ నేత రాహుల్ గాంధీ ఇటీవల కేరళలో పర్యటించిన విషయం తెలిసిందే. ఈ సందర్భంగా ఆయన మత్స్యకారులతో కలిసి చేపలు పట్టారు. సముద్రంలో సరదాగా ఈత కూడా కొట్టారు. అయితే ఇందుకు సంబంధించిన ఫొటోలు సోషల్ మీడియాలో వైరల్ అయ్యాయి. కాగా కేరళలో మరికొద్ది రోజుల్లో ఎన్నికలు జరుగనున్నాయి. ఈ నేపథ్యంలో రాహుల్ మత్స్యకారులను మచ్చిక చేసుకొనేందుకు సముద్రంలో ఈత కొట్టడం, చేపలు పట్టడం వంటి పనులు చేస్తున్నారని కొందరు విమర్శించారు.
కాగా కేరళ సీఎం పినరయి విజయ్ కూడా రాహుల్పై విమర్శలు చేశారు. దేశవ్యాప్తంగా రైతులు ఇబ్బందుల్లో ఉన్నారు. ఢిల్లీలో ఇబ్బందులను లెక్క చేయకుండా ఆందోళన చేస్తున్నారు. జాతీయ నేతగా చెప్పుకొనే రాహుల్ గాంధీ మాత్రం రైతుల ఇబ్బందులను పట్టించుకోకుండా కేరళ టూర్ను ఎంజాయ్ చేస్తున్నారు.
ఆయన ఇక్కడ ఈత కొడుతూ.. పర్యాటక ప్రదేశాలను చూస్తూ.. చేపలను రుచి చూస్తూ ఎంజాయ్ చేస్తున్నారు.. అంటూ ఆయన ధ్వజమెత్తారు. రాహుల్ గాంధీకి నిన్న చేసిన స్విమ్మింగ్ రాజకీయంగా కలిసివస్తుందని.. త్వరలో జరిగే కేరళ ఎన్నికల్లో కొంచెమైనా పనిచేస్తుందని.. మత్స్యకారులు ఓట్లు తమకు పడతాయని కాంగ్రెస్ నేతలు భావించగా రాహుల్ పర్యటన బెడిసి కొట్టింది. రాహుల్ పర్యటనపై ఇప్పటికే బీజేపీ నేతలు విమర్శలు చేయగా తాజాగా కేరళ సీఎం కూడా విమర్శలు గుప్పించారు.
రాహుల్ గాంధీ రైతుల సమస్యలను పూర్తిగా మరిచిపోయారని కేరళ సీఎం విమర్శించారు.కాగా పినరయి విజయ్ వ్యాఖ్యలు అర్థరహితమని కాంగ్రెస్ నాయకులు కొట్టిపారేశారు. రాహుల్కు వచ్చిన గుర్తింపును చూసి ఓర్వలేక ఆయన ఇటువంటి ఆరోపణలు చేస్తున్నారని విమర్శించారు.
