వైఎస్సార్ కాంగ్రెస్ కే అన్నిహక్కులు.. 'అన్న వైఎస్సార్' పిటిషన్ కొట్టివేత..!
జగన్ నేతృత్వంలోని వైఎస్సార్ కాంగ్రెస్ పార్టీ గుర్తింపు రద్దు చేయాలంటూ.. అన్న వైఎస్సార్ కాంగ్రెస్ పార్టీ అధ్యక్షుడు మహబూబ్ బాషా ఢిల్లీ హైకోర్టులో పిటిషన్ వేసిన విషయం తెలిసిందే. ఈ వ్యవహారం అప్పట్లో సంచలనంగా మారింది. ఈ పిటిషన్పై పలుమార్లు ఢిల్లీ హైకోర్టులో వాదనలు కొనసాగాయి. చివరకు ఇవాళ తీర్పు వచ్చింది. జగన్ నేతృత్వంలోని వైఎస్సార్ కాంగ్రెస్కు అనుకూలంగా తీర్పు వచ్చింది. వైఎస్సార్ కాంగ్రెస్ పార్టీ పేరు, గుర్తు సహా సర్వ హక్కులు సీఎం జగన్ నేతృత్వంలోని […]
జగన్ నేతృత్వంలోని వైఎస్సార్ కాంగ్రెస్ పార్టీ గుర్తింపు రద్దు చేయాలంటూ.. అన్న వైఎస్సార్ కాంగ్రెస్ పార్టీ అధ్యక్షుడు మహబూబ్ బాషా ఢిల్లీ హైకోర్టులో పిటిషన్ వేసిన విషయం తెలిసిందే. ఈ వ్యవహారం అప్పట్లో సంచలనంగా మారింది. ఈ పిటిషన్పై పలుమార్లు ఢిల్లీ హైకోర్టులో వాదనలు కొనసాగాయి. చివరకు ఇవాళ తీర్పు వచ్చింది.
జగన్ నేతృత్వంలోని వైఎస్సార్ కాంగ్రెస్కు అనుకూలంగా తీర్పు వచ్చింది. వైఎస్సార్ కాంగ్రెస్ పార్టీ పేరు, గుర్తు సహా సర్వ హక్కులు సీఎం జగన్ నేతృత్వంలోని పార్టీకే ఉంటాయని కోర్టు స్పష్టం చేసింది.
నిజానికి అన్న వైఎస్సార్ కాంగ్రెస్ అనే ఓ పార్టీ ఉందని ఏపీలో చాలా మందికి తెలియదు. ఆ పార్టీకి పెద్దగా ఓట్లశాతం కూడా లేదు. కానీ ఓ వర్గం మీడియా ఈ అంశానికి హైప్ ఇవ్వడం.. వైఎస్సార్ కాంగ్రెస్ పార్టీ రద్దు అవుతుందని అన్న స్థాయిలో ప్రచారం సాగడంతో ఈ విషయం సంచలనంగా మారింది. ఎట్టకేలకు ఉత్కంఠకు తెరపడింది. దీంతో వైసీపీ అభిమానులు హర్షం వ్యక్తం చేస్తున్నారు.
అన్న వైఎస్సార్ కాంగ్రెస్ పార్టీ అధ్యక్షుడు బాషా కోర్టులో వాదనలు వినిపిస్తూ.. వైఎస్సార్ అనే పేరును తాను ముందుగా రిజిస్టర్ చేసుకున్నాను కాబట్టి.. దీనిమీద పూర్తిహక్కులు తనకే ఉంటాయని కోర్టులో వాదనలు వినిపించారు.
మరోవైపు తప్పుడు ఉద్దేశాలతో ఈ కేసు వేశారని.. వైఎస్సార్ కాంగ్రెస్ తరఫున న్యాయవాది కోర్టుకు వివరించారు. పలు దఫాలుగా ఇరు పక్షాల వాదనలు విన్న కోర్టు అన్న వైఎస్సార్ కాంగ్రెస్ వేసిన పిటిషన్ను కొట్టేసింది.
