Renu Desai | రీఎంట్రీ మూవీలో రేణుదేశాయ్ లుక్ ఇదే
Renu Desai - రేణు దేశాయ్ రీఎంట్రీ ఇస్తున్న సినిమా టైగర్ నాగేశ్వరరావు. తాజాగా ఆమె ఫస్ట్ లుక్ రిలీజ్ చేశారు.
మాస్ మహారాజా రవితేజ, దర్శకుడు వంశీ, అభిషేక్ అగర్వాల్ క్రేజీ కాంబినేషన్‌లో ఎంతో ఆసక్తిగా ఎదురుచూస్తున్న పాన్ ఇండియా ప్రాజెక్ట్ ‘టైగర్ నాగేశ్వరరావు’ ఈనెల 20న గ్రాండ్‌గా విడుదల కానుంది. గ్రిప్పింగ్ టీజర్ తో ఈ సినిమాపై అంచనాలు పెరిగాయి.
తాజాగా ఈ చిత్రంలో కీలక పాత్ర పోషిస్తున్న రేణు దేశాయ్ ఫస్ట్ లుక్ ని విడుదల చేశారు మేకర్స్. ఈ చిత్రంలో హేమలత లవణం అనే స్ఫూర్తిదాయకమైన పాత్రలో కనిపించబోతున్నారు రేణు దేశాయ్. ఓ పసిబిడ్డని పట్టుకున్నట్లు కనిపిస్తున్న ఫస్ట్ లుక్ పోస్టర్ చాలా ఆసక్తికరంగా ఉంది.
ఇలాంటి ఓ సంఘసంస్కర్త పాత్రను పోషించడం రేణుదేశాయ్ కు ఇదే తొలిసారి. అంతేకాదు, ఈ సినిమాతో ఆమె కెరీర్ లో సెకెండ్ ఇన్నింగ్స్ మొదలుపెట్టింది. పవన్ తో విడిపోయిన తర్వాత పూర్తిగా పిల్లల బాధ్యతలతో మునిగిపోయిన రేణు, ఇన్నేళ్లకు టైగర్ నాగేశ్వరరావు సినిమాతో మళ్లీ సినిమాల్లోకి వచ్చారు.
రేపు ఈ చిత్రం ట్రైలర్‌ని రిలీజ్ చేయనున్నారు మేకర్స్. జివి ప్రకాష్ కుమార్ సంగీతం అందిస్తున ఈ చిత్రంలో నూపుర్ సనన్, గాయత్రి భరద్వాజ్ హీరోయిన్స్ గా నటిస్తున్నారు. ఈ సినిమాకు మధి, సినిమాటోగ్రాఫర్ గా వ్యవహరిస్తుండగా.. శ్రీకాంత్ విస్సా కథ-డైలాగ్స్ అందిస్తున్నాడు. అనుపమ్ ఖేర్ ఓ కీలక పాత్ర పోషిస్తున్నారు.
