యాక్సిస్ బ్యాంక్ పేమెంట్ డివైజ్.. ఎలా పని చేస్తుందంటే..

ఆన్ లైన్ పేమెంట్స్ ఇప్పుడు ఎంతగా వాడుకలో ఉన్నాయో ప్రత్యేకించి చెప్పక్కర్లేదు. అయితే ఇందులో కూడా ఇప్పుడో కొత్త టెక్నాలజీ వచ్చింది. అదేంటంటే..

మామూలుగా డిజిటల్ పేమెంట్స్ మొబైల్ తోనే చేసే వీలుంటుంది. అయితే ఇప్పుడు దానికీ ఓ ఆల్టర్నేటివ్ వచ్చింది. యాక్సిస్ బ్యాంక్ సరికొత్త కాంటాక్ట్‌లెస్ పేమెంట్ డివైజ్‌లను లాంచ్ చేసింది. ఈ డివైజ్ లు నేరుగా కస్టమర్ల బ్యాంకు అకౌంట్లకు లింక్ అయి ఉంటాయి.

ఈ వేర్ అండ్ పే యాక్సెసరీలు బ్యాండ్, కీ ఛెయిన్, వాచ్ ల రూపంలో ఉంటాయి. యూజర్లు పేమెంట్ చేయడానికి స్మార్ట్ ఫోన్లు, వాలెట్లు తీసుకోవాల్సిన అవసరం లేదు. ఈ వేరబుల్ డివైజ్ ను ధరిస్తే చాలు. కాంటాక్ట్ లెస్ ట్రాన్సాక్షన్ల కోసం ఈ వేరబుల్ డివైజ్ లు బాగా పనిచేస్తాయి.దీని ద్వారా ఐదు వేల రూపాయల వరకూ ట్రాన్సాక్షన్స్ చేయొచ్చు. అంతకంటే ఎక్కువ చేయాల్సి వస్తే.. పిన్ నంబర్ ఎంటర్ చేయాల్సి ఉంటుంది. ఈ డివైజ్ ధర రూ.750 నుంచి మొదలవుతుంది. దీనిని యాక్సిస్ బ్యాంక్ బ్రాంచీల్లో పొందొచ్చు.