ఫైనల్ స్టేజ్ లో గని షూటింగ్

వ‌రుణ్ తేజ్ హీరోగా, అల్లు అర‌వింద్ స‌మ‌ర్ప‌ణ‌లో రెన‌సాన్స్ ఫిలింస్‌, అల్లు బాబీ కంపెనీ బ్యానర్లపై సిద్ధు
ముద్ద‌, అల్లు బాబీ నిర్మిస్తోన్న చిత్రం ‘గని’. వ‌రుణ్‌తేజ్ ఇప్ప‌టి వ‌ర‌కు చేయ‌న‌టువంటి డిఫ‌రెంట్ లుక్‌తో
బాక్సర్ పాత్ర‌లో న‌టిస్తున్నారు. ఈ సినిమా కోసం వరుణ్‌తేజ్‌ బాక్సింగ్‌లో స్పెషల్‌ ట్రైనింగ్‌ తీసుకుని
నటిస్తుండటం విశేషం. కిర‌ణ్ కొర్ర‌పాటి ద‌ర్శ‌కుడిగా ప‌రిచ‌యం అవుతున్నారు. ఈ సినిమా చిత్రీక‌ర‌ణ
ద‌శ‌లో ఉంది. కొవిడ్ సెకండ్ వేవ్ కార‌ణంగా ఆగిన ఈ సినిమా షూటింగ్ రీసెంట్‌గా హైదరాబాద్‌లో పునః
ప్రారంభమైంది.

ఈ షెడ్యూల్‌తో షూటింగ్‌ అంతా పూర్తవుతుంది. బాక్సింగ్‌ బ్యాక్‌డ్రాప్‌ మూవీ ఇది. అందులో భాగంగా ఈ
షెడ్యూల్‌లో క్లైమాక్స్‌ సహా భారీ యాక్షన్‌ సన్నివేశాలను చిత్రీకరిస్తున్నారు. హాలీవుడ్ చిత్రం టైటాన్స్‌,
బాలీవుడ్‌లో సల్మాన్ ఖాన్ సుల్తాన్ వంటి చిత్రాల‌కు యాక్ష‌న్ స‌న్నివేశాల‌ను డిజైన్ చేసిన హాలీవుడ్ స్టంట్
మాస్ట‌ర్స్ లార్నెల్ స్టోవ‌ల్‌, వ్లాడ్ రింబ‌ర్గ్ ఆధ్వ‌ర్యంలో భారీ సెట్స్‌లో ఈ యాక్షన్‌ పార్ట్‌ చిత్రీకరణ
జరుగుతుంది. ఈ షెడ్యూల్‌ పూర్తయిన తర్వాత రిలీజ్ డేట్ ఎనౌన్స్ చేస్తారు.

బాలీవుడ్ బ్యూటీ సయీ మంజ్రేక‌ర్ ఇందులో హీరోయిన్. ఇంకా ఈ చిత్రంలో ఉపేంద్ర‌, సునీల్ శెట్టి, న‌వీన
చంద్ర త‌దిత‌రులు కీల‌క పాత్ర‌ల్లో న‌టిస్తున్నారు. మ్యూజిక్ సెన్సేష‌న‌ల్ త‌మ‌న్ సంగీతం అందిస్తున్నాడు.